【眼睛去旅行】發現嚴崇天身影 有線「末代主播」全部去晒TVB?

撰文:
最後更新日期:

嚴崇天、鍾煒喬、詹可琳、尤蔭蔭、植詠珊以及馬梓軒因為有線《娛樂新聞》節目內不設主播而被稱為「末代主播」,除了最後兩位外,前四位現已離開有線各有發展。繼鍾煒喬、詹可琳先後加入TVB、尤蔭蔭加入「Big Big Channel」之後,最近又發現嚴崇天在旅遊節目《眼睛去旅行》亮相!

嚴崇天在J2節目《眼睛去旅行》亮相,主要介紹韓國的旅遊資訊。(電視畫面)

嚴崇天:我係自由身藝人

其實阿天亮相《眼睛去旅行》只是節目合作形式,與TVB仍未有藝員合約,他接受《香港01》記者訪問時說:「其實我而家都係自由身藝人嚟嘅,(不考慮簽約?)咁如果TVB賞識我嘅話我會好開心,我只係怕自己時間兼顧唔到。」阿天表示自己最近頻頻要中、港、韓三地周圍飛,每個月平均有一半時間都不在港,有時更會與韓國觀光公社合作拍攝短片宣傳當地旅遊景點:「我目標係想做多啲同韓國有關嘅工作,唔可以話係『韓國通』嘅,但想做到一個效果係,提起韓國,就會聯想起嚴崇天咁。」

尤蔭蔭:「我覺得自己而家真係向緊自己嘅理想行緊。」(Big Big Channel)

TVB有人睇

自余詠珊加入無綫之後,陸陸續續都見到不少前有線主播例如黃翠如、洪永城、陳貝兒、譚凱琪、李佳芯以及陸浩明等在TVB建立到一定的成就,無疑為一班後輩打下強心針,尤蔭蔭謂:「一定對我決定加入Big Big Channel有影響,始終佢哋做得咁好。」尤蔭蔭又指,最初選擇加入是希望可以增加曝光率,更透露與在有線工作時最大分別,是清楚知道自己的努力是有觀眾看得到的:「以前做一個鐘頭嘅嘢,可能都冇人cap圖send畀我,但而家我喺節目度出現一分鐘,已經會有朋友同屋企人cap圖同我講話見到我。」

+4
+3
+2

TVB機會更多

對於加入無綫後知名度提升,鍾煒喬(阿Matt)亦有同感:「明明係同我以前喺有線做同一樣嘅嘢,但係好明顯係多咗好多人關注,好多人都會cap我圖。」阿Matt除了日常做藝人採訪、重操故業坐枱之外,加入TVB後又試過拍攝旅遊飲食節目,更一嘗在《開心速遞》客串的滋味:「其實我對拍劇係有興趣嘅,只係我冇乜信心,始於自己喺呢方面嘅訓練唔足夠。所以我而家都係希望可以專注發展綜藝主持呢一方面,好想好似可以做到區永權咁利害,每次做live都可以咁穩定。」

詹可琳而家主力都係做娛樂新聞訪問,早前亦都為財經資訊台主持節目《商‧對論》。(gramha @tsim.kimmi)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。