【機場集會】呼籲停止圍堵機場 汪明荃:要顧及人哋享有嘅自由

撰文:
最後更新日期:

8月12日有市民發起「警察還眼」行動,引致數萬人在機場示威聚集,最終令機場在下午關閉。今日下午有香港團體「文化共融」發表聲明,表示香港人應停止暴力,守護香港核心價值、互相尊重以及尊重法治精神,高志深、鄺美雲以及汪明荃(阿姐)等演藝人亦有聯署。

市民發起的「警察還眼」行動,令政府需要下令機場關閉。(資料圖片)

+6
+5
+4

汪阿姐呼籲停止圍堵機場

今晚(15/8)汪明荃(阿姐)在無綫電視城錄影廠為綜藝節目《娛樂大家》錄影。對於近日香港機場的示威活動,阿姐接受《香港01》訪問時,呼籲大家停止圍堵機場:「示威活動到而家已經個幾兩個月,到後來唔知點解就有一啲暴力(事件)。我覺得時間已經好長,各行各業都受到影響。尤其是前幾日喺機場(示威),已經係一件好嚴重嘅事。機場每日差唔多有成20萬人,去旅遊、探親,或者睇醫生。如果因為有咁多人去示威,又影響咗其他人,最後又有暴力,又加咗好多其他嘢,我覺得就係時候要停止。」

汪明荃(阿姐)今日接受《香港01》訪問時,呼籲大家要停止暴力。(葉志明攝)

望大家用另一方法表達意見

阿姐續說:「我覺得年青人嘅聲音,全香港、全世界都聽到,但係都要靜一靜,思考一下。係咪應該繼續咁樣做?係咪對大家好呢?或者想爭取嘅時候係咪要思考一下,搵一個方式大家傾吓了解,大家再解決問題。」

汪明荃(阿姐)表示,年輕人可去其他地方表達意見。(葉志明攝)

汪阿姐:表達意見同時也需顧及别人

年輕人應該用甚麼途經示威或表達意見?她回答:「每個區或者大街小巷,佢哋都去到。政府容許嘅,佢哋都可以去。香港係靠唔同年齡唔同年代嘅人去建立。我都付出好多,喺香港居住咗幾十年。每個人都有自由去表達,同時亦需要顧及人哋享有嘅自由。我覺得年輕人會明嘅,因為係讀書人有學識有見解,你哋應該識點樣去做。」阿姐亦表示,因為她屬於文化界,發聯合聲明也是一個很自然的事。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。