【12個夏天】陳家樂曾主動打招呼被當透明 連詩雅：肯定冇
撰文：吳子生
出版：更新：
陳家樂與連詩雅（Shiga)今日（16/8）現身將軍澳電視城出席無綫旅遊節目《12個夏天》記者會。兩人早前出發到韓國濟州拍攝，由互不相識，發展到互相攻擊，真是笑料百出。Shiga笑言：「其實出發嘅時候大家係唔認識嘅都好擔心。」家樂插咀話：「其實都唔知點解要搵我哋個，平時見到面都唔打招呼，我試過有同佢say Hi呀，不過佢都冇理我。」Shiga急忙解釋話：「我肯定冇見過你。」
家樂與Shiga坐船出海拍攝期間，因風浪太大，導致暈船浪，兩人不適嘔吐。（陳順禎攝）
家樂反擊話：「之前有個活動，當時你係坐係我隔離兩個位，我主動同你Say Hi，肯定嗰個人係你，不過你掛住同人傾計冇理我，唉，唔講啦！不過喺呢次旅程上，發覺大家有好多共同嘅話題嘅，發覺原來我哋係共同年代成展，自己都老喇，原來佢都唔後生，哈哈！」