【她她她的少女時代】被「執屍」場面率先睇 林凱恩:史上最性感

撰文:
最後更新日期:

田蕊妮主演的新劇《她她她的少女時代》,劇情貼地,出街後獲觀眾激讚!當中飾演阿田養女張晴的林凱恩在劇中戲份相當重,飾演大學生的她不但毫無違和感,演技亦自然到位!日前, TVB的官方YouTube就率先曝光林凱恩在劇中的超突破造型,性感指數表!

林凱恩在劇中飾演一名大學生亦是阿田的養女!(IG@iris_lammm)

二人在劇中有不少母女情!(劇照)

林凱恩一向給人一種鄰家女孩感覺,無論戲裡戲內都是「乖乖女」的形象。在新劇中,林凱恩就大膽豁出去,首次以超性感形象登場!劇情講到林凱恩獨自在蘭桂芳賣醉,險被陌生人「執屍」,及時被李思捷發現!林凱恩接受《香港01》訪問時更直言:「真係史上最性感,性感過我選港姐同參加台慶。(終極性感?)係呀,仲想點……我一向都係行保守派,如果有機會拍《3日2夜》我諗都係會着潛水衣。」

劇中有性感演出!(影片截圖)

點撃下圖逐格睇!(呢集未播出街㗎!)

+12
+11
+10

被問事前有沒有特別keep fit,林凱恩就稱:「因為拍劇時間比較趕,有時間都寧願瞓覺,但開劇前我都有打拳同食少啲。」林凱恩更透露一度被戲服嚇親,她笑言:「真係好唔慣,其實拍嗰陣都比較唔自在,所以會有少少遮遮掩掩嘅感覺,而且拍嗰陣都好驚走光。(做足安全措施?)應該係,唔小心走咗我諗都有後期遮返。但呢場戲都拍得好開心,因為有人行過真係以為我醉咗。」

哇!有料!(影片截圖)

林凱恩亦稱「張晴」暫時是她最大壓力和挑戰的角色:「最難係同阿田演嗰種母女情,因為阿田係前輩,氣場好強大,但好多時我都要鬧佢,好大壓力,但佢都好nice,好似真係多咗一個屋企人咁。今次喺前輩身上面我都見到自己有好多不足,如果要畀分我諗得60分,但希望都一路拍,一路進步!」

平時真係着潛水衣!(IG/@iris_lammm)

點撃下圖睇更多靚相!

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。