【她她她的少女時代】姚嘉妮長腿好吸睛 仲同羅天宇發展姊弟戀

撰文:董欣琪
出版:更新:

TVB新劇《她她她的少女時代》播出後反應不俗,劇情講到失婚的迎風(田蕊妮飾)面臨人生巨變,但幸好身邊有一班好友支持。當中飾演Janice的姚嘉妮(嘉嘉),以過來人的身份積極鼓勵迎風重新振作,被視為「中女」的模範!不少觀眾都大讚嘉嘉相當搶眼,尤其是Fit爆的身形十分吸睛!

姚嘉妮在劇中飾演田蕊妮的好友,一直鼓勵對方振作。(電視截圖)
兩人好好感情!(電視截圖)
+6

飾演阿田好友的嘉嘉,雖然經歷離婚,但就分到前夫一半身家,所以離婚後依然可以出入高級場所,打扮時尚又有品味,過着闊太的上流生活。嘉嘉在接受《香港01》訪問時,就透露今次的造型花了不少心思:「其實做靚女角色都幾大壓力,因為好驚唔靚。首先自己唔覺得自己好靚啦,但如果要做一個靚女又會好擔心今日個妝化得好唔好呀,生暗瘡皮膚就唔靚啦,頭髮又要Keep住好靚啦,呢啲壓力係大嘅。今次服裝嗰邊都畀咗好多好靚嘅衫我,差唔多每一場戲我嘅衫都係唔同嘅,所以服裝落咗好大功夫。」

嘉嘉離婚後分咗前夫一半身家,過著闊太生活。(電視截圖)

選美出身的嘉嘉,樣貌身材都十分出眾,尤其是一雙長腿非常煞食。雖然已經生了一仔一女,但保養得宜的嘉嘉,一直Keep住窈窕身形。而在劇中她更有一場游水戲,以黑色泳裝上陣的嘉嘉,大騷Fit爆Body。不過其實拍攝時正值冬天,她要在泳池中來回游水,相當辛苦:「真係好凍呀,同埋我係好怕凍嘅人,但冇辦法。間屋喺飛鵝山,所以凍上加凍,啲水好似冰咁,唯有頂硬上,夾硬衝落去。」

這場游水戲在冬天拍攝,嘉嘉都話好凍!(TVB YouTube影片截圖)
+6

而正正是這場游水戲,就成功俘虜年少的Desmond(羅天宇飾)。天宇在劇中飾演一名有錢又靚仔的健身室老闆,在見到嘉嘉「出水芙蓉」後,就喜歡上對方:「我同天宇有啲啲感情戲,佢爹哋係我師父,所以我都會喺佢屋企出入,咁佢又覺得呢個姐姐好錫佢,對佢好好,所以一路對佢有好感,鍾意佢。但我哋就誤會咗,因為佢話佢鍾意姐姐,我就以為佢鍾意阿田,仲叫阿田去馬,之後先發覺原來佢鍾意我。」

羅天宇一身腹肌好吸睛!(TVB YouTube影片截圖)
嘉嘉話飾演靚女角色有壓力。(電視截圖)

今次同天宇拍感情戲,雖然嘉嘉未有透露兩人在劇中的親密程度,但就大讚對方:「劇本寫得好好啦,所以係好自然嘅。天宇會同你有商有量,應該點會好啲呀,成日會問你意見之後先做嗰場戲,同佢做對手戲好舒服。」

嘉嘉同羅天宇在劇中有感情戲。(電視截圖)
+7