【街坊財爺】黎諾懿慨嘆被全天候「監控」 ：女拍檔全部識我老婆
撰文：賴家杰
出版：更新：
黎諾懿與黃智雯（Mandy）主演的《街坊財爺》將在下星期一（7月2日）晚上首播，劇中二人飾演情侶，諾懿高興表示終於等到這機會：「今次真係好開心可以攞正牌同智雯談戀愛，難得又有咁好咁靚嘅對手，所以我要求導演我哋每一場戲份冇嘢做都要落雨，好似韓劇一樣，因為我真係好鍾意睇韓劇。」
Mandy拍這劇集覺得劇中很多情節也拍到很唯美。（梁碧玲攝）
二人是首次合作，諾懿直言感覺上並非如此，而TVB各花旦大多表示，與諾懿合作過後覺得是很好的合作夥伴，Mandy也不例外，她說：「佢會好識得照顧拍擋，戲裡戲外都當我女朋友咁樣，佢最犀利地方係知道我有少少脾氣嘅話佢會懂得應付，用佢方法去幫助我。」
諾懿開玩笑說現在是選擇對手才拍劇。（梁碧玲攝）
戲裡戲外也當Mandy是女朋友，若果諾懿給老婆聽到後，相信下場會十分之慘：「我又要講返歷史，其實我老婆識Mandy仲早識過我，佢哋係同屆港姐，世界真係細，仲要當時係同房。我依家好似全天候被『監控』，身邊拍檔全部都識我老婆，可唔可以搵一個唔識我老婆，好似個個都同我老婆好熟。」