王貽興孖劉翁搵素人拍《搖滾校園》 暫時唔拍暗黑劇:要清澀!

撰文:
最後更新日期:

王貽興今日(6/9)為香港開電視節目《男士堂》錄影,今次更是與黃心美一同主持,組合十分新鮮。他接受《香港01》訪問介紹節目內容:「個節目係講男士興趣,例如買咗個倉放Figures,又或者有人鍾意皮革嘢,整畀啲朋友,甚至賣埋畀外國人。」他也表示周日晚10點半(8/9)就是首播,十分期待。

王貽興與黃心美主持新節目《男士堂》。(陳順禎攝)

談到近況,王貽興就表示除《男士堂》外,還忙於新劇集拍攝籌備的工作。他說:「近排啱啱完成咗《黑市》電視劇煞科,而家忙緊下一套劇嘅前期,拍完之後12月就有一個大型青春歌舞劇。呢排就忙緊Casting,因為要搵女主角,而且唔單止電視劇,仲有舞台劇同一啲周邊事情發生,成個Project會好令人興奮。」他還表示對電視劇《黑市》充滿期待:「呢個都算係香港電視尺度上幾破格嘅,而家就畀緊QC方面嘅朋友睇緊,希望唔會剪走太多。」

2018年播出的《陽關道》口碑十分之好,更在Netflix上架。(劇照)

說起籌備當中的青春歌舞劇《搖滾校園》,王貽興今次除公開招募女主角外,還邀請了ViuTV的男子組合MIRROR粉墨登場。他說:「其實我同劉翁都好鍾意做一啲人哋唔做,但係我哋成長嘅時候啟蒙到我哋好多嘅回憶,其實青春歌舞劇都係香港入面好好嘅電視劇品種,但係而家已經冇人再做,所以我同劉翁諗諗下,既然拍咗咁耐Dark Side嘢,又不如試下呢啲,睇下觀眾接唔接受到。」

嚟緊仲有《黑市》!勁期待。(IG@ongyihing)

為什麼會找MIRROR合作?他回答說,其實也是經由花姐「搭路」:「事緣上次拍《黑市》嘅時候,MIRROR嘅成員就嚟拍,花姐就嚟探班就見到我哋兩個好有心機咁(指)導佢啲仔仔,佢哋都學到好多嘢,然後花姐就問我哋:『敢唔敢同我合作下,畀集MIRROR佢哋拍?』」花姐會不會「落場」?他笑說:「嘩……我諗排下隊先啦,其實好多人排隊嚟客串。」更形容「花姐」是秘密武器,要留待第二季壓軸登場。

王貽興講笑話近排自己好受後生女「歡迎」,因為最近正為新劇搵素人女主角。(陳順禎攝)

那麼,又為何會想為新劇《搖滾校園》招募素人女主角?他解釋說:「因為而家嘅演員,你見慣見熟嘅時候,就會對佢冇Fantasy。」他又以台灣「九把刀」的電影作例子,都是喜愛起用新演員。「點解好睇?因為基本都係用素人做演員,真係好清澀、好年輕後生嘅感覺唔係完全可以靠演技彌補。」他透露,下個星期將會開始試鏡:「而家IG成日畀人瘋狂轟炸Send打鼓、彈結他片畀我,全部都係11,12歲,問我可唔可以去Casting。」更笑說很多少女都為了看偶像MIRROR而扮識夾Band,希望趁Casting當天能找到真正懂得夾Band的素人。

絕密《黑市》劇照:



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。