【她她她的少女時代】羅天宇自彈自唱冧掂姚嘉妮 街頭激吻超精彩

撰文:
最後更新日期:

《她她她的少女時代》就快大結局,劇情越來越緊張!在昨晚(10日)播出的一集中,最精彩的一幕相信就是Desmond(羅天宇飾)自彈自唱《愛如潮水》,情深款款的樣子打動了Janice(姚嘉妮飾),Desmond亦承認自己一直鍾意的就是對方,兩人更在蘭桂坊街頭激吻,令觀眾睇到好肉緊!

Desmond(羅天宇飾)一直暗戀Janice(姚嘉妮飾),他在昨晚(10日)的一集中終於表白。(劇照)

天宇在接受《香港01》訪問時笑言拍這場激吻戲起初都有些尷尬:「都係第一次拍啲咁激烈嘅情欲戲,一開頭都有啲緊張,不過好彩我係做被動嗰個,嘉嘉就做主動嗰個,我專心彈結他就得。同埋因為我哋都有唔同嘅地方,因為都好多Take,所以一開頭嗰種尷尬,其實過咗兩三Take之後就冇咗,就真係可以全情投入。」

天宇自彈自唱《愛如潮水》!(電視截圖)

嘉妮主動錫天宇!(電視截圖)

點擊下圖重溫:

+10
+9
+8

不少網民看完這一幕後都大讚兩人演得很好,更有很多忠實觀眾笑指天宇同嘉嘉曾在《愛.回家》中飾演兩母子,如今在《她》中發展姊弟戀,但一樣好合襯!不過其實兩人只是相差10歲,嘉嘉在接受《香港01》訪問時就表示好開心網民仍記得:「好多謝網民支持,不過始終係兩套唔同嘅戲。拍嗰場Kiss戲開頭都驚天宇會尷尬,因為佢好怕醜。而且蘭桂坊真係超多人,除咗我、天宇同個外國人之外全部都係路人,我哋剩係想快啲拍完,盡量少啲NG。」

上到車都繼續錫!(電視截圖)

Desmond仲大膽示愛!(電視截圖)

+13
+12
+11

對於被網民大讚表現搶鏡,嘉嘉就表示今次的角色很有發揮:「今次劇本寫得好好,遇到一個好角色、好對手、好劇本係唔容易嘅,好開心觀眾認同我。除咗天宇之外,我同阿田(田蕊妮)、阿廉(曹永廉)合作都好開心㗎,希望大家繼續支持。」

嘉嘉在劇中的演出大受好評!(劇照)

+16
+15
+14


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。