【金宵大廈】李施嬅離巢後發展得更好:好似一個小鎮女孩出城咁

撰文:葉詩
出版:更新:

李施嬅(Selena)周六(14日)出席無綫電視劇《金宵大廈》宣傳活動,說到是次挑戰一人分飾兩角,分別在60年代當妓女和在現代當空姐,而兩個角色的截然不同亦增加了演繹的難度:「妓女個角色要成日着旗袍,所以要求好Slim;第二係同陳山聰都幾多激情戲,而每一個入嚟我個場玩嘅男人我都會好風騷去迎接,例如坐大脾、攬下腰、摸手摸腳,作為一個女仔都幾難克服,但為角色要豁出去!」李施嬅又說到為角色吸煙對她而言亦是一個難關:「我哋要食嘅煙仲要係真係捲煙,因為監製好認真,而啲PA日日開廠之前就喺到捲煙!」因為李施嬅本人不吸煙,但周圍都是煙讓她有頭暈的感覺:「有啲難做。」

除了要維持身形、突破心理障礙和破戒吸煙,還有一項要素增加了拍攝的難度,李施嬅說:「《金宵大廈》有個花名叫『通宵大廈』,因為日日拍拍通宵,仲遇上人哋返工Peak Hour。」(葉志明攝)

李施嬅年初約滿離巢,放下維持了16年無綫藝人身份,後來因為「安心事件」而回到TVB補拍《法證先鋒IV》的相關部份,如今又回到TVB宣傳即將播出的電視劇《金宵大廈》,她說:「其實《金宵大廈》都拍咗一段時間,而《法證先鋒IV》係最後嘅劇,始終冇話離唔離開,只係冇簽經理人合約,而將來會唔會合作都唔一定係NO。」

李施嬅認為《金宵大廈》是她拍過的電視劇中,其中一個最好的劇本,所以這麼辛苦也很值得。(葉志明攝)
+1

李施嬅提到自己剛從紐約時裝周回來,笑稱自己大概是時裝周中「最細粒」的一個:「個個都好似巨人!咁佢哋就叫我着好高嘅高踭鞋,驚我凹咗入去。謝幕嘅時候我係壓軸,但佢哋一步又等於我一步半,跑都跟唔到佢哋。」但李施嬅仍覺得這是個難得的經驗。問到接下來會否多在外國發展,李施嬅就回應:「周圍都想去發展、擴闊自己視野、見識多啲!例如去時裝周見到星光熠熠,全部人都好靚!後面有Nicole Kidman、Kate Hudson,令我好興奮,好似一個小鎮女孩出城咁,我都好期待接下來嘅工作。」