【金宵大廈】譚凱琪演陸永前度 爆對方有異能:佢幫人性交轉運!

撰文:
最後更新日期:

譚凱琪(Zoie)周六(14日)出席無綫電視劇《金宵大廈》宣傳活動,並有份參演名為《金丁》的單元,她闡述了金丁的意義:「我個Partner係陸永,佢有個能力可以幫人性交轉運,所以佢喺套劇裡面好受女仔歡迎,作為佢前度女友嘅我梗係要諗計復合!」Zoie又認為這個故事能觸動人心,雖然自己在劇中有目的再次接近陸永,但幸好二人最後有美滿結局。

譚凱琪與陸永在劇中分手只因對方不上進,但內心仍深愛對方。(葉志明攝)

Zoie與陸永在劇中亦有不少親密戲份:「初初接到劇本時見到《金丁》講性交轉運,咁咪好多場戲都離唔開張床?事實都唔少!」但陸永就貼心地做了一個舉動讓老婆放心、也讓Zoie可以安心和他演對手戲,皆因工作上需要拍攝親密戲份,陸永都會跟太太陳莉娜「報備」:「今日同Zoie有床戲,可能要Kiss。」令Zoie大讚對手陸永在現實也是個很好的老公:「同佢合作完覺得呢個男仔好好!」Zoie發現:「拍嘅時候佢會諗一諗,但做嘅時候都會投入去做,大家都係專業加嘛!」Zoie更開玩笑說拍的時候她甚至會問陸永:「可唔可以掂下你?」

Zoie現在正拍攝愛情輕喜劇《愛美麗狂想曲》。(葉志明攝)

拍攝《金宵大廈》對Zoie而言是一個突破:「喺題材上係一個突破,作為演員亦都需要呢啲突破!如果一直都做乖乖女、純情角色係咪真係好事?我自己比較鍾意多元化、演啲唔同嘅角色去挑戰自己;觀眾睇又會有新鮮感,睇到我嘅轉變!」Zoie近來戲約不斷,她表示對此感到高興:「我其實好想不斷開戲!可以學多啲嘢、吸收多啲,始終自己經驗唔太夠。」

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。