【金宵大廈】陳山聰11月婚禮一切從簡:唔想打攪到身邊嘅兄弟姐妹

撰文:
最後更新日期:

陳山聰周六(14日)出席無綫電視劇《金宵大廈》宣傳活動,說到是次在劇集中一人分飾兩角甚是特別,他分別是現代的看更阿蕭和60年代的警察旭輝;這也是他第一次在電視劇擔正當男主角,問到會否有特別的感受,陳山聰說:「其實對我嚟講每一個角色都咁重要,都應該用同一方法去對待,至於係唔係第一男主角唔係最重要,當然男主角咁重要就要兼顧更多嘢。」陳山聰又感謝監製和編審找他飾演這個角色;問到會否對收視有壓力,陳山聰則以平常心面對:「個故事好好,我同施嬅拍攝期間已經享受咗個過程,所以我好開心《金宵大廈》終於可以出街,而收視輪唔到我哋去決定。」

陳山聰第一次在電視劇擔正當男主角,認為盡力做好便足夠。(葉志明攝)

陳山聰又透過拍攝《金宵大廈》克服了從小到大都怕貓的這個心理障礙:「今次要同隻貓做戲真係一個好大嘅挑戰,監製知道我驚貓已經造咗兩隻假貓俾我,但始終冇隻真貓效果咁好。」陳山聰與貓一起拍了幾天廠景後發現牠很乖:「慢慢咁接觸佢,我而家終於都唔驚貓!好開心透過套戲克服咗佢!」拍攝《金宵大廈》期間還有一大挑戰:「我哋唔係順住拍,而跳住拍一時係現代、一時係60年代,因為兩個角色性格係南轅北徹嘅人,所以功課要做得好足!」

未來太太Apple不喜歡麻煩,所以提出希望是簡單的婚禮,而陳山聰也認為二人快樂已經足夠。(葉志明攝)

+5
+4
+3

陳山聰與圈外女友Apple將在11月1日舉行婚禮,他說籌備大致上已完成:「其實呢個Wedding Party都係一切從簡,剩下一啲細微嘅事就交畀太太處理;我而家拍近新戲《大步走》,完全冇時間準備任何嘢,但其實都冇乜需要準備,都係同班好朋友食餐飯。」作為新郎,陳山聰就表示很是開心:「希望當晚嚟到嘅嘉賓都感受到我哋嘅喜悅。」因為婚禮以一切從簡為大前提,所以並沒有接新娘、伴娘、伴郎等元素:「唔想打攪到身邊嘅兄弟姐妹,佢哋扮得靚靚嚟就可以。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。