【金宵大廈】方紹聰再演變態殺人犯 與黃文意激戰連場:好有Feel

撰文:
最後更新日期:

由陳山聰、李施嬅、高海寧、張曦雯等主演的新劇《金宵大廈》今晚(16日)首播,故事講到陳山聰跟李施嬅是一段前世今生的孽緣愛情,由六十年代拖到現代,而在六十年代時,金宵大廈已經存在,所以他們的孽緣愛情在今世再續前緣。其間金宵大廈怪事不斷,不停上演着其他住客的人生及奇幻故事!

陳山聰跟李施嬅是一段前世今生的孽緣愛情!(劇照)

首個單元「夢」就講到三名內地劫匪計劃打劫「金宵大廈」內的一間鐘錶店,劫匪之中年紀最小的彭彭(方紹聰飾)意外認識了出租女友小魚(黃文意飾),這一次相遇竟為小魚帶來殺身之禍。而這件事與六十年代發生在大廈的命案有著不尋常的關聯……

由純情男,變變態殺人犯!(受訪者提供)

擔任首個單元主角的方紹聰(奶仔)接受《香港01》訪問時就講到劫匪彭彭本來個性單純,聽從大哥和二哥的指示,未曾試過戀愛,對小魚一見鍾情。但他意外發現小魚是出租女友,一怒之下殺死小魚,情緒崩潰加上性情大變:「入面嗰啲殺人嘅情節同追殺人的情節,我覺得自己做出嚟嘅時候都幾變態,直頭覺得比《白色強人》同《鐵探》悍匪「發瘟」更加變態!因為今次會將啲殺人嘅場景拍晒出嚟,記得有一場我要分屍,但又愛佢,喊到好似《喜劇之王》尹天仇咁,啲鼻水就快掂到黃文意塊面!」

都幾襯喎!(受訪者提供)

即睇激戰劇照!

+9
+8
+7

好刺激呀!(葉志明攝)

至於與黃文意的床戲,奶仔尷尬稱:「你知Mandy身材好犀利,所以拍嘅時候隻眼唔可以亂咁望,但我覺得佢係一個好好嘅對手,佢完全冇顧忌,拍得好順利,出到嚟都有Feel,有Feel係無論心理同生理都有啲Feel。(咁有Feel,有冇發展機會?)有,由同事發展成朋友。」被問演過不少變態角色怕不怕被定形做「TVB御用變態佬」,他就笑稱:「我絕對唔介意,都好多謝幾位監製俾我嘅機會,我每一次都會演繹好角色,唔想佢哋覺得揀錯人。」

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。