不獲TVB續約9.28成最後上班日 林子博:上個月先話續約3年加人工

撰文:
最後更新日期:

林子博(Bob)入行接近30年,除了在無綫(TVB)多個節目中亮相,亦是娛樂新聞台主播,不斷為觀眾採訪娛圈消息,其大女林詠渝和細仔林卓楠亦是童星,為觀眾帶來不少歡樂。最近,林子博的太太董燕君(Shirley)確診患癌,不但令關心他的好友、觀眾感到驚訝,他本人亦大感壓力。雖然有不少有心人鼎力相助,希望他們一家四口可以渡過難關。不過最近卻爆出林子博不獲TVB續約的消息。

太太Shirley突傳患癌噩耗 林子博忍痛陪打硬仗:我真係唔冧得!

身為一家之主的林子博須同時面對老婆患癌和失業兩大問題,但很多人都為他伸出援手。(Facebook圖片/林子博)

親自通知太太不獲續約:佢心情跌落谷底!

林子博接受《香港01》訪問時確認消息,指自己上星期已收到TVB通知:「一個月前監製搵我話續三年約同加人工,但最後『過堂』過唔到,我都唔知係原因。今日(28/9)實際上係我嘅Last day。第一個知嘅屋企人係我個仔,佢即時反應係『咁點算呀』,我問返佢好唔好講畀媽咪知,佢話『唔好講畀媽咪知,佢會好唔開心,不如你扮返工啦』,我話扮唔到啦,我又要幫媽咪打針,又要陪佢睇醫生,我扮返工點樣陪佢睇醫生呀。最後,我都係講咗畀老婆知,佢心情跌到落谷底。」

點擊下圖觀看林子博專訪相片:

+5
+4
+3

不獲續約後眼見太太病發負能量爆升:我嗰刻真係好憎TVB!

林子博相信天無絕人之路,指自己有手有腳,就算有經濟壓力也不會三餐不繼:「唯有做住Freelance先!平少少都會接,做下司儀工作之類。(會唔會叫朋友幫手?)唔想咁,捐得幾多吖,我而家最需要嘅係一份工,就算大大小小嘅工作我都肯做,真正能夠解決屋企問題嘅都係一份工作。」

問會否覺得TVB不近人情,他坦言本身沒有諗過這個問題,因為續約與否是商業決定:「佢又唔係合約期內『雞』我,係咁啱呢個時間我咁樣,係當我見到老婆發作,攬住個馬桶喺度嘔時,我嗰刻真係好憎TVB,但到我老婆冇事時,我又冇咁諗。」有指林子博不獲續約與他在網上發表「黃絲」言論有關,他澄清:「我好少提呢啲,我多數都係講老婆仔女,就算係講都係講民生嘢,即係起條橋好貴咁。」

林子博坦言現時最需要的是一份工作。(Facebook/@林子博)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。