【專訪】李施嬅跳出舒適圈外闖:要同幾千人爭一個演出機會

撰文:
最後更新日期:

CREDIT

場地 :OysterMine

Hair : Jay Cheung @ Hair

Top: Hellessy @ Lane Crawford

Earrings: dearbell2ling (www.dearbell.com)

在一間公司做了16年,長期處於一個安穩舒適的圈子,不想離開也是在所難免,人習慣了就不想改變或挑戰嘛,這是大部份人的想法很合理。常常被人說在TVB中這麼多年,公司給的機會很少,這是大家對李施嬅的看法?她在效力了16年的TVB,要有機會有機會,大部份劇集也是擔任女一,她更直言在公司演任何角色並不需要試鏡,點燈就能有劇拍,所以機會真的少嗎?何況她產量並不少,雖然不知道觀眾會否認同她的演技,但是能鼓起勇氣離開舒適生活一定要給「讚」。

【金宵大廈】金宵舞廳真實存在過 冰室老闆:當時著西裝先入到

施嬅笑言《金宵大廈》的花名叫做通宵大廈。(劇照)

跳出框框 見識世界

當施嬅準備離開了效力16年的TVB消息傳出,令大家感到相當意外亦覺得很突然,為何會有這樣的想法。不過其實離開TVB是有跡可尋,她近年非常專注國外的影視發展,分別去到美國、加拿大和馬來西亞等地方發展。施嬅笑言:「其實都唔突然,都咁多年。覺得係時候見識下呢個世界有咩學下,始終做咗咁多年,我嘅對手同同事大家都好熟。要增值自己一定要跳出框框去畀自己搵下一個唔太熟悉環境,我覺得係時候。」

【專訪】YouTuber變TVB歌手 戴祖儀開竅:做人有事業心會好啲!

施嬅表示非常渴望能進步,令自己人生和演技等去下一個階段。(梁碧玲攝)

否認喺TVB有不愉快事

施嬅這一步棋現階段來說是非常成功,雖然是由零開始的出發,但是成績大家有目共睹。然而外界很多言論指出TVB走寶、給她的機會不多、工作上令到她不愉快,施嬅因此強調一點:「其實喺TVB裡面唔開心等等呢啲完全係冇,其實我好感恩教識咗我咁多事,依家終於覺得學到好多,成長咗,係時候去下一個階段。」

【專訪】葉蘊儀出寫真騷本色 討厭獲封「美魔女」:唔尊重女性!

離開TVB的時候,施嬅也曾向身邊的「胡說八道」詢問意見,她們亦很支持。(梁碧玲攝)

於美加地方試鏡遭拒絕感不快 「喺香港都冇人會拒絕我嘅」

從演以來在TVB一直是被點名就能演出,很少接觸「試鏡」這一回事。但是去到美國、加拿大等這些地方,已經沒有點名就能有戲演這回事,很多角色上也要自己努力爭取,「其實去到外國冇人知我邊個,但好得意,好似投胎轉世一樣。有時候去試鏡你會同一啲真係完全冇做過戲嘅人一齊人去試鏡。大家冇等級之分做同一件事,當然係TVB我好幸運被點燈做劇。但去到外國要由最低開始去做,係有少少唔習慣同打擊到我自己,因為有時候會被拒絕,冇理由次次試鏡都得,咁有某啲原因唔得都會唔開心,喺香港都冇人會拒絕我嘅。不過每次畀人拒絕都唔知道原因,冇人會話你知咩原因唔得,但自己會諗邊方面不足要做好啲,令到我團火更加大去增值自己。」

施嬅去馬來西亞拍劇也是被點名就能演,她笑言那邊也是看TVB。(梁碧玲攝)

現實試鏡如電影差無幾

而試鏡過程作為觀眾可能只能從電視劇集或電影中得知,施嬅為了令大家容易想像試鏡過程,她舉例說像電影《La La Land》一樣,當然《La La Land》是有點誇張,「真實真係會有一千幾百個人同你競爭同一個角色,咁其實都幾興奮一件事,因為你有咁多對手,所以你贏真係會幾開心。」

施嬅在每一個國家也有幫手她處理演藝工作。(梁碧玲)

外國人睇中國人只係識做打戲?

不知道大家會否有留意到一件事情?大部份中國人可能在外國的電影圈是飾演殺手或功夫高手等,同樣施嬅去到國外多數也是飾演「打女」這樣的角色。原來是有一個原因,就是李小龍的形象太深入民心,施嬅解釋:「好多人叫我做殺手,佢哋覺得中國人就係打同埋殺手。其實我覺得希望可以有少少同佢哋擴闊到就係中國人都可以做文戲,有深度,希望慢慢畀大家知道我哋唔只係好好打,可能李小龍形象太深入民心,令佢哋覺得中國人都好打得。」

施嬅笑言到國外很多人叫她做「打女」,反而在香港就沒有。(梁碧玲攝)

獎項不代表一個人的成就

最後常有人說覺得施嬅的演技早就應該能在TVB成為視后,但是在TVB至今還沒有得獎,總會替她有點可惜,不過施嬅沒有拿獎並不覺得是一件可惜的事情,她說:「其實以前都有諗過下,依家冇諗啦。我會覺得唔係一個代表我嘅事,有當然開心,但冇都唔代表係差。好似選美冇贏到都唔係差,咁依家發展得我幾開心,所以我唔覺得獎項可以代表到一個人。今年如果好姐妹拎獎都會好開心,不過可能我都有提名呢!」

想簡單睇施嬅專訪精彩內容,點擊以下圖片睇Caption!

+32
+31
+30


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。