鄧麗欣與MIRROR成員拍排球電視劇:好明白以前大家點面對Cookies

撰文:
最後更新日期:

ViuTV周三(9日)舉行2020年節目發佈會,宣佈來年的六部電視劇,鄧麗欣(Stephy)將在電視劇《男排女將》中擔任女主角,率領演員顧定軒及一眾MIRROR、ERROR成員演出,談到接拍原因,Stephy說:「我自己曾經係一個排球員,入行以來一直都希望有個作品係同排球有關,咁啱今次遇到。」《男排女將》由真人真事改編,而Stephy則在劇中飾演男排的教練,她說:「人生中拍到自己夢想嘅題材係好開心。」

Stephy認為電影比較難拍到排球這個題材,皆因說一個球隊的成長需時較長,電視劇相對來說比較適合。(葉志明攝)

談到在拍攝前會否需要作特別的準備,Stephy說:「教練方面嘅準備多啲,球員嘅話我自己好熟悉;但都要pickup返做教練應有嘅技巧同知識。」Stephy與一眾球員未正式見過面,希望彼此之後能有多些接觸:「一隊球隊有咁多人,其實我頭先都有少少頭痛,因為未知邊個打邊個,大家要好好認讓下。我最熟悉係Zeno(顧定軒),因為我哋合作過;但MIRROR未合作過。」

+4
+4
+4

Stephy需要時間認清MIRROR一眾成員,又想起自己曾經在Cookies的經歷:「我都好明白以前大家點面對Cookies,咁多個人唔認得我哋都唔出奇,我頭先喺後台見到佢哋都未認得曬。(有想起自己曾在Cookies的回憶?)好開心,見到佢哋咁多人上台跳舞,年青嗰種活力,而家係好需要呢個氣氛。」與一眾新人拍劇,Stephy就不太感到壓力:「我一心想演好個角色,希望套戲出到嚟效果好就咁簡單。」

點擊圖輯看MIRROR勁歌熱舞~

+14
+14
+14


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。