【全民造星II】MIRROR提供冧爆花姐貼士 隊長Lokman:唔好着花衫

撰文:葉詩
出版:更新:

將在9月30日晚上10時30分首播的ViuTV重磅選秀節目《全民造星II》今天(21/9)下午舉行記者會,由師兄MIRROR率領第二季30強參賽者勁歌熱舞,為節目造勢。而MIRROR本季亦再度參賽,問到與第一季有什麼差別,隊長Lokman就說:「我哋今年經驗多咗,所以責任都多咗,感覺要帶住佢哋一齊闖難關。始終我哋熟悉比賽、熟悉花姐(監製),知道點樣行會順利啲。」Anson Lo說:「今年多咗領導身份嘅感覺,MIRROR成員多咗主導去編排(表演)。」Alton就認為了解節目的節奏也很重要:「同其他組比較進度容易失軍心,所以唔好跌落對方嘅節奏,要做好自己!」

MIRROR成員亦會入第二季的競賽,花姐承認已有兩個成員在現階段被淘汰,Lokman對此故作神秘,要觀眾密切留意節目。(許朝暉攝)

着花衫、伸脷扮可愛 統統No Way

隊長Lokman(楊樂文)說MIRROR比較熟悉監製花姐,問到有什麼貼士予第二季參賽者,MIRROR成員紛紛踴躍發言,Jeremy說:「花姐唔鍾意一隊人嘅衫着到花碌碌,佢鍾意整齊啲,呢一項好重要!」Anson Lo說:「佢唔鍾意參賽者伸脷,扮可愛、咬唇……太Over嘅表情一律唔批准!」Stanley說:「花姐係處女座,佢唔鍾意表演完啲恤衫飛曬出嚟。」Lokman笑言:「冇咩事都唔好着碎花!」Ian說:「除咗比賽之外,個人係點都好影響;唔好覺得冇部Cam拍住就對工作人員冇禮貌,好似佢哋奉旨要服侍你,呢個心態唔好,無論做邊一行,對人有禮貌先會行得遠。」

【全民造星II】星級導師改由陳潔靈擔任   劉美君已錄影片段或全刪

始終《全民造星》是一個選秀節目,MIRROR再度參與並沒有比上一季輕鬆,Anson Lo甚至說:「殘酷嘅感覺係一模一樣,上年30強被淘汰都好唔開心咗幾日。」(許朝暉攝)
+11

姜濤推介《造星II》最有潛力學員

MIRROR成員亦各自分享了第二季當中哪幾位參賽者最有潛水。姜濤說:「我一直都推介吳啟洋(Phoebus),喺公開試第一次見到佢,無論身高定唱跳、外觀都好符合偶像嘅定義。」Stanley說:「我就好推薦Oscar Li(李祉均),佢係一個好特別嘅參賽者;第二個係Hugo(丘凱雄),佢係《造星II》嘅肥媽,因為佢唱歌好似肥媽一樣咁好聽!」Jeremy說:「今年有好多再參加嘅參賽者,佢哋要有好大決心先嚟參加第二季,亦發現佢哋進步咗好多,希望大家可以支持佢哋。」Edan則私心推薦自己的組員。