關智斌拒絕做張敬軒演唱會嘉賓:其實再去人哋會覺得悶!

撰文:
最後更新日期:

關智斌(Kenny)今日(10日)出席《生化危機》實景體驗館開幕活動,他興奮表示自己本來就是這個遊戲的超級粉絲:「佢出咗六、七代,我每一代都打爆機!特別係第二集,我打爆咗四次!因為佢有好多個唔同嘅隱藏結局,細個好瘋狂,要特登搵曬啲隱藏結局出嚟。拍宣傳片嘅時候,發現細個打機嘅畫面出現喺自己面前,感覺都幾夢幻。」

Kenny認為場館的佈景、道具、服裝都設計得很真實,讓他覺得震撼。(陳志嵐攝)

Kenny上月結束第一次個人紅館演唱會後,給了自己一個假期:「因為我唔想去Shopping之旅,反而淨係想攤喺到舒服休息,所以就揀咗溫泉之旅,日日都喺山入面望住個山頭浸溫泉。本來諗住去睇紅葉,但係好似去得太早,仲好熱!」談到接下來的計劃,Kenny說下月將會到歐洲拍攝,但詳情就暫時不能透露。

Kenny將於12月在香港拍攝電視劇。(陳志嵐攝)

好兄弟張敬軒與香港中樂團下月將在紅館舉行《盛樂》演唱會,軒仔早前曾幫自己演唱會做調音師與嘉賓,Kenny會否回饋對方,他笑言:「我都唔知我做得啲乜嘢!我又唔識調音,又唔夠咁多舞台經驗,我諗我會喺台下默默支持佢!」說到觀眾可能想看二人在台上合體,Kenny回答說:「其實再去或者人哋會覺得悶!(唔會!)我睇下觀眾反應先!(會否再騷肌派福利?)去人哋演唱會騷肌肉好似喧賓奪主,唔好喇,留返俾佢除啦!」

點擊觀看更多現場照:

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。