【金宵大廈】TVB推出黑貓靚寶同款毛公仔 有望成新一代吉祥物

撰文:
最後更新日期:

TVB劇集《金宵大廈》充滿奇幻懸疑情節,掀起全城煲劇熱潮。除了一眾演員大獲好評之外,貫穿整部劇的黑貓「靚寶」亦人氣急升,憑藉可愛萌樣成功收服不少粉絲,觀眾都被牠超好的演技俘虜!而TVB更乘勝追擊,在big big shop推出靚寶毛公仔,人氣超強的靚寶絕對有望「揮低」TVBuddy同大明猩,成為TVB新一代吉祥物!

《金宵大廈》大受歡迎,劇中的黑貓靚寶都深受觀眾喜愛!(劇照)

big big shop推出靚寶同款毛公仔。(TVB YouTube影片截圖)

很多人認為黑貓代表着「不祥」,令人有種陰森的感覺,但自《金宵大廈》播出以來,靚寶不但憑着出色的演出被網民捧為劇集的男主角,更深得劇中演員喜愛。在金宵大廈生活了超過50年的靚寶,在大廈內自出自入、神出鬼沒,還會巡樓。雖然牠無對白,但一樣憑着精靈可愛的樣貌、圓碌碌的眼睛、到位的眼神成功吸引大家注意!

雖然靚寶無對白,但憑着到位的眼神一樣交足戲!(電視截圖)

+15
+14
+13

靚寶人氣急升,TVB都即時在big big shop推出靚寶同款毛公仔,而且是限量發售。毛公仔同靚寶一樣全身黑毛,眼仔碌碌,頸上綁着一條寫上「靚寶」的紅帶,十分可愛。對於之後會否推出更多靚寶的周邊產品,靚寶主人Melaine回覆《香港01》時就說:「你真係要問返TVB啦。」似乎不願透露太多。

靚寶同款毛公仔登陸big big shop!(bigbigshop網上圖片)

+12
+11
+10

其實TVB在2006年就推出官方吉祥物TVBuddy,用作宣傳電視台形象,出鏡率極高,更衍生出一系列實體產品。2017年TVB推出big big channel的同時,也設計了一隻重量級吉祥物配合,就是全身橙色的「大明猩」。TVBuddy同大明猩可以說是TVB兩大吉祥物,不過如今推出靚寶同款毛公仔,相信人見人愛的靚寶極有潛力,比TVBuddy同大明猩更受歡迎!

TVBuddy是TVB在2006年推出的官方吉祥物。(資料圖片)

2017年TVB推出big big channel的同時,也設計了一隻重量級吉祥物配合,就是全身橙色的「大明猩」。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。