落選港姐蔡嘉欣火速上位做主持 應屆冠軍黃嘉雯:有啲羡慕

撰文:
最後更新日期:

應屆港姐冠軍黃嘉雯(Carmaney)今日(22/10)出席在將軍澳舉行的TVB52週年明珠台《台慶鉅獻》精彩猛片造勢活動。提到睇戲Carmaney就話任何類型猛片都鍾意睇,惟獨唔睇鬼片:「以前讀中學嘅時候就好鍾意睇鬼片,但而家就唔會睇啦,因為成日都只得自己一個,自己會覺得好驚,以前細個就覺得好刺激, 無理由而家畀錢去自己嚇自己啦!」

Carmaney自言細個喜歡睇鬼片,但長大後覺得無理由畀錢睇鬼片自己嚇自己。(陳順禎攝)

對於落選港姐好姊妹蔡嘉欣閃速簽約無綫,並獲安排擔任節目《姊妹淘》做主持,Carmaney就話:「見到佢咁快可以做主持都有啲羨慕,不過明白啱啱當選完港姐有任務在身,所以會有啲唔同,同時希望參選完華姐後,可以參與不同嘅劇集或主持嘅工作,自己就想拍旅遊節目多啲,因為自己本身都鍾意去旅行。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。