【嫁到這世界邊端3】非洲人妻Serena爆黑人愛美白：越淺色越優越
TVB真人騷《嫁到這世界邊端3》首集登場的非洲人妻Serena遠嫁尼日利亞的異國戀故事成功掀起不少話題，Serena除了在節目中分享自己與丈夫Sean愛情路，亦向觀眾揭開當地治安問題和極之大男人主義等等的一面。其實Serena亦不時會在網上分享自己在非洲的日常生活，當中更有不少奇聞！
Serena在網上提到尼國人出奇地很注重身體護理，她講道：「他們浴後一定要全身由頸以下都塗上潤膚產品，否則會覺得虧待自己。但頸以上的皮膚呢？Sorry, 他們不考究，通常是在塗完身體後，再用剩餘在掌心的身體潤膚產品粗略地塗上面。」她更指當地有大量的身體護理產品可供選購：「有美白、去斑去印等功能的，是他們的首選。下圖是我在一間超市影的，單是身體護理產品便佔了兩整列各兩邊的貨架，要仔細看貨架上產品，我估要最少兩小時，而我行了30分鐘，也只是看了一邊的貨架產品。」
而最有趣的是非洲人竟然也有「一白遮三醜」的觀念，她稱：「黑人也有『皮膚越淺色身分便越優越』的心態。我相信，美白產品在非洲有很大市場呢！不知有沒有護膚品老闆想開拓非洲市場呢？」而Serena更笑言：「有時孖寶沖涼後無搽Body Lotion（身體乳液）會比佢鬧，但唔搽Face Lotion（面霜）佢又唔理喎，真係唔明咩邏輯。」Serena接受《香港01》訪問時就表示對黑人愛美白一事，她稱：「唔太出奇，因為我喺香港時已經聽講過，但無諗過親眼見時咁震撼。（佢哋係咪都係一個好貪靚嘅民族？）超級貪靚。」
而曾從事護膚品行銷20年的Serena，對皮膚結構有一定認識。問到當地的美白產品成效，她稱：「有嘅，但呢邊最暢銷嘅美白產品，我覺得有效亦有後果囉。太快見效嘅美白產品，有太攻擊性嘅成分，長遠對皮膚唔健康。（你有冇試過？）我搵我老公試，黑皮膚大對比嘛。（黑人會唔會防曬?）唔會，佢地冇預防嘅慨念。」而Serena亦表示正在當地籌備美容生意。