【解決師】御用豪宅逐格睇  唔止有無敵海景地牢都有兩層

撰文:
最後更新日期:

台慶劇《解決師》集合強勁演員陣容,製作也相當落重本,劇中不少場景都採用實景拍攝,除了遠赴澳洲墨爾本取景之外,不少觀眾對蔣家大宅都很好奇,這棟面海的別墅有別於以往在TVB劇集中出現的「御用豪宅」,更具氣派及現代感,更在網上掀起熱烈討論。

進興社團龍頭蔣滔(羅樂林飾)同家人住在蔣家大宅,不過這間屋同以往TVB劇集中出現的「御用豪宅」不同。(劇照)

設計具現代感,樓頂好高,相當有氣派!(電視截圖)

劇中進興社團龍頭蔣滔(羅樂林飾)同家人住在蔣家大宅,作為龍頭大佬的屋企,當然屬於豪宅級。不過這間屋同以往在TVB劇集中的別墅不同,不但樓層高很多,而且周圍綠樹環繞,透過幾層樓高的落地玻璃見到無敵海景,劇組更動用航拍拍攝大宅全景,從空中俯瞰相當壯觀!其實這裏是深圳市龍崗區的萬科十七英里,位於東部海岸,西距小梅沙約為6-7公里,擁有壯觀的蔚藍海洋景觀、天然沙灘及古礁岩群,以高低錯落的幾何立體組合,形成海岸建築群。

從空中俯瞰相當壯觀!(電視截圖)

+3
+3
+3

今次選擇這間位於深圳的別墅取景拍攝,劇集監製陳志江在接受《香港01》訪問時也表示是希望有點新鮮感:「因為我哋想搵間新啲、靚啲嘅屋,咁最後就揀咗呢間。間屋真係好靚好大嘅,净係地牢都有兩層,從2樓望落去個廳都好靚。室内有𨋢,從3樓落去可以搭𨋢。本身係私人住宅,咁我哋總共拍咗7至10日,費用應該都要六位數以上。(拍攝完有冇住入去?)當然演員都想,我都想,但因為配套唔完善,食飯清潔嘅問題都要解決,所以最後我哋都係住酒店。」

露台都十分廣闊,面對海景。(劇照)

陳敏之去年在拍攝時都有在微博Post相,劇組總共拍攝了一星期左右。(微博@陳敏之)

而李天翔也直言這間屋算是他拍攝以來最大的一間:「有屋企嘅戲算係最大嗰間,其實真係有諗過住喺裏面,咁我哋逗留咗差唔多一個星期,成個星期都係屋企戲,但奈何附近乜都冇,我又驚夜晚拍完冇嘢食,所以工作人員都同我講最好就唔好喇。雖然我哋住間酒店距離唔遠,但如果拍完就咁喺嗰度住就唔使走嚟走去囉,但最後都係冇喺嗰度住嘅。」

(電視截圖)

室外設有泳池,整間屋設計很有空間感。(網上圖片)

點擊下圖逐格睇:

+7
+7
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。