古天樂想拍「AI戲」用特技製造角色 宣萱:我真人啲戲好啲

撰文:
最後更新日期:

古天樂與宣萱(Jessica)周二(5日)出席活動,談到二人雖是經典熒幕情侶,但卻是首次合作拍廣告,古天樂說:「今次概念幾得意,Jessica做一個虛擬嘅人,半透明嘅!」宣萱就說:「AI幾好玩,喺廣告有機會試下呢啲角色。」問到會否將這個題材帶到電影,古天樂說:「都有呢個諗法,不過可能係全AI唔使佢拍,就冇咁煩,用特技做宣萱出嚟。」旁邊的宣萱反駁道:「我真人啲戲好啲!」

古天樂與宣萱為經典熒幕情侶,但卻是首次合作拍廣告。(葉志明攝)

古天樂談到自己在投資理財方面很是審慎:「通常我會問唔同意見、深思熟慮後先決定投資,因為我覺得搵錢都幾辛苦,所以一定要審慎投資。」宣萱則表示自己會集中在地產:「我自己鍾意睇樓,要諗清楚自己有冇能力供樓,尤其是而家實施咗九成按揭好吸引,但都要謹慎諗清楚先行呢步。」問到會否在外地投資買樓,宣萱說:「一路都做緊功課。」

+2

古天樂與宣萱主演的電影《犯罪現場》正在上映,問到會否擔心因社會氣氛影響票房,古天樂說:「其實做電影最緊要拍一套好戲,所以好多外在環境唔係我哋可以控制,作為演員希望大家睇得開開心心。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。