胡美貽連開4間榴蓮店勁賺 望帶起潮流:全港18區都有就Fit

撰文:
最後更新日期:

胡美貽(Nicole)今日(8/11)為TVB台慶進行跳舞採排,不過一大班人之中的Nicole就有點不知所措,顯得有點突兀……

大合照。(葉志明攝)

胡美貽(Nicole)接受《香港01》訪問時說:「哈哈,人生第一次跳Hip-hop,因為好Yo,同埋啲動作好大,不過我都練緊。我以前都有跳現代舞,或者啦啦隊。其實今日係我第二日練,因為有分好多Part,所以我頭先有啲亂,哈哈。」

「榴槤樂園」澳門分店。(IG@nicolewmy)

談起胡美貽自己的榴蓮店生意,她表示「榴槤樂園」元朗和天后分店即將開業。「我而家等緊入劇拍《失憶24小時》,近排就忙緊近鋪開張,兩邊忙人手,仲要教佢哋整嘢飲。而家喺澳門有一間,尖沙咀、元朗同埋天后都有一間,嚟緊都想再擴充開多幾間,都係細鋪200幾呎嘅。我間鋪都係賣啲方便拎走嘅,例如『立食榴蓮』,即係行過路過都可能食,唔使坐低食。同埋啲榴蓮係用氮氣急凍,冇發酵嘅,所以冇咁大陣味,所以個貓山王食落口會好香。」

下次見到胡美貽,真係要叫聲「榴蓮女王」。(IG@nicolewmy)

她透露,自己打算在其他國家或者三藩市開分店。「而家每個月賺到嘅就開分店,我想慢慢做到有一個連鎖效應咁,睇下身邊嘅朋友會唔會一齊玩下。目標就,暫時港九新界都有,不過全香港有18區㗎嘛,如果區區都有就Fit啦。」

+25
+24
+23


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。