【多功能老婆】于淼做霸氣小三搶人老公 自認感情方面好被動

撰文:
最後更新日期:

在昨晚(5日)播出的TVB台慶劇《多功能老婆》中,藍飛(楊千嬅飾)老公劍雄(黃浩然飾)終於返港,並相約老婆見面,但小三顏成功(于淼飾)卻從中作梗,令藍飛撲空。成功態度非常囂張,不但當眾奚落藍飛,更開了一張9999萬的支票給對方,希望用錢買斷藍飛與劍雄的婚姻。事後成功返到酒店,還在劍雄面前扮委屈,手段相當高明!

《01最賞睇娛樂大獎》即日起至1224日接受投票喇,仲可以參加勁抽雙重獎,隨時贏旗艦手機11 Pro MaxDyson風筒、01積分等,總值超過70萬元

顏成功(于淼飾)態度囂張,當眾奚落藍飛,更希望用錢買斷藍飛(楊千嬅飾)與劍雄(黃浩然飾)的婚姻。(YouTube影片截圖)

+7
+7
+7

這一場小三向正印「挑機」的戲掀起網民熱烈討論,不少觀眾都睇到咬牙切齒,為藍飛大感不忿,但亦有人大讚于淼的演出,將小三演得入型入格!對於網民的評價,于淼在接受《香港01》訪問時就表現得好謙虛:「我覺得自己仲有進步空間,初頭知道自己要做一個咁霸氣嘅女人都冇信心,有壓力,因為千嬅、浩然佢哋都好有經驗。寶華姐喺對白方面好幫到我,令我投入演顏成功呢個角色。喺現場我見到浩然同千嬅做戲我都好快入到戲,千嬅叫我唔好驚,浩然都有教我事前喺屋企着高踭鞋練下啲氣場,之後同柏豪嗌交嗰場有叠聲,佢哋都有幫我排。好幸運可以同佢哋做對手戲,所以有咁多觀眾關注。」

呢場嗌交戲都好精彩!(YouTube影片截圖)

+5
+5
+5

劇中顏成功這個角色非常霸氣,于淼在拍攝前都做足準備,除了苦練廣東話之外,更參考了不少作品:「睇咗范冰冰嘅《武則天》同《穿PRADA的惡魔》,睇下人哋點樣做,再借鑒一下身邊朋友嘅經驗。」其實于淼已經加入TVB七年,她曾在2012年參加《國際中華小姐競選》,落選後加入TVB,成為娛樂新聞台國語主持。近年積極參與戲劇演出的于淼,雖然經驗不多,但亦有不少角色成功引起網民關注。當中包括在《不懂撒嬌的女人》中同劉丹發展忘年戀,在《逆緣》中飾演姜大衞的太太,被稱為「御用阿伯殺手」!

華姐出身的于淼,身形Fit爆,更被指與范冰冰相似,有「將軍澳范冰冰」之稱!(IG@maggieyyuu)

于淼曾在劇集《逆緣》中飾演姜大衞的太太。(劇照)

+3
+3
+3

于淼在劇中試過玩忘年戀,又試過搶人老公,但她不擔心會影響形象:「其實我都冇介意,做咩角色我都希望畀觀眾睇到唔同方面嘅演繹,之前嗰啲都係角色嘅性格嚟嘅啫,佢哋咁講啫係有印象,我都開心嘅。」而現實中的她對另一半的要求亦很簡單:「我喺感情方面好被動,希望對方信耶穌,都鍾意睇戲同藝術,有上進心,希望大家一齊進步,睇緣分同天父嘅安排啦。」

于淼自認在感情方面好被動。(IG@maggieyyuu)

+8
+8
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。