【多功能老婆】吳若希露肩拍出浴戲 激嬲戴祖儀誤會周柏豪翻撻
撰文：董欣琪
出版：更新：
TVB台慶劇《多功能老婆》正在熱播，劇中角色的感情關係吸引不少劇迷追看。在昨晚（12日）播出的一集中，浩田（周柏豪飾）、藍飛（楊千嬅飾）、Miss呂（戴祖儀飾）、蘇蝶（吳若希飾）的關係有新進展，當中Jinny更有一場出浴戲，掀起網民熱議！
《01最賞睇娛樂大獎》即日起至12月24日接受投票喇，仲可以參加勁抽雙重獎，隨時贏旗艦手機11 Pro Max、Dyson風筒、01積分等，總值超過70萬元！
蘇蝶（吳若希飾）與男友Focus（黃嘉樂飾）起爭執而鬧上警署，浩田（周柏豪飾）保釋她出來。（IG@jinnyng）
蘇蝶爆喊，仲要攬住浩田喊，不過佢狠心拒絕！（IG@jinnyng）
+6
劇情講到蘇蝶與男友Focus（黃嘉樂飾）起爭執而鬧上警署，浩田保釋她出來後，她主動要求上浩田屋企沖涼。Jinny日前回覆《香港01》時講道：「嗰場戲自己都有着晒打底，但都有少少後悔，因為拍攝途中唔記得要返少少嘢，如果加返少少嘢，穿過玻璃個視覺效果會更加好，但我就冇做到！蠢咗！」畫面所見Jinny站在花灑下，露出白滑香肩，不過可能因為尺度問題，觀眾只可以透過磨砂玻璃見到她的身影，大家只能意會啦。
+10
而藍飛陪完Miss呂睇完醫生返屋企後，撞正蘇蝶沖完涼出來，Miss呂誤會二人舊情復熾，喊住衝出門口，浩田面對一臉委屈的Miss呂依然好狠心，不給對方攬着喊，搞到「唔慣喊嘅時候冇人攬住」的Miss呂唯有攬實路過的邢老闆（袁文傑飾）求安慰，認真陰功！
Miss呂好委屈。（電視截圖）
Miss呂攬實路過的邢老闆（袁文傑飾）求安慰，認真陰功！（電視截圖）
至於藍飛對於蘇蝶的出現也十分不滿，蘇蝶嫌棄藍飛的衫，叫她拿浩田的衫給自己着：「女仔着男仔衫特別好睇，男裝Oversized反而突顯到個線條，我呢啲Model梗係人着衫，唔係衫着人，我一定Carry到㗎。」最後藍飛拿出囝囝佳佳（阮天寶飾）的衫給蘇蝶着，場面搞笑！
藍飛拿出囝囝佳佳（阮天寶飾）的衫給蘇蝶着，場面搞笑！（電視截圖）
+4