【全民造星II】林珊珊揀星憑感覺 揀冠軍心態如揀女婿
撰文：李婉文
出版：更新：
ViuTV大型選秀節目《全民造星II》周日（15日）舉行決賽。判評團之一的寰亞藝人管理公司高級副總裁林珊珊接受《香港01》記者訪問時，自爆自己原來接近每晚都會追看節目，她透露自己想看到較為全面的演出。
珊珊講起以前跟現在找「一粒星」的分別：「搵星都係要憑感覺嘅，同埋搵星要一個團隊一齊嘅，所以如果媒體冇呢啲類似嘅才藝比賽嘅話，係好難搵到星嘅，所以ViuTV要做多啲。」被問到對於不同的表演風格有沒有任何偏好，又會不會抗拒韓風，珊珊說：「我唔抗拒韓風嘅，但係我始終年紀同佢哋好大嘅距離，最初嘅時候都會覺得好難入到佢哋嘅畫面裡面，但慢慢了解之後，我唯有攞出我少女嘅心，同佢哋距離就拉近咗。」
珊珊擔任《全民造星II》的評判。（陳志嵐攝）
珊珊表示要拿出自己的少女心和參賽者們拉近距離。（陳志嵐攝）
談到心水人選，珊珊就表示不能透露，要先保密。她笑言：「我以揀女婿嘅心態，全面，又靚仔、又心地好、又識得表演、又愛自己嘅事業、又愛我哋呢行，咁咪成粒星囉！」
珊珊（中）指自己不抗拒韓風，但也不是太喜愛。（陳志嵐攝）