50歲陳浩民回春再進化! 靠老婆鼓勵:每個肥嘅人都係潛力股

撰文:林迅景
出版:更新:

踏入50歲的陳浩民,1997年憑着飾演《天龍八部》中的翩翩公子段譽,真是迷倒萬千少女,「小鮮肉」的形象變得深入民心。年紀漸長的他去年就表示,為Keep住靚仔小生樣,選擇打肉毒桿菌豐額減紋,不過8月份出席橫店電視城活動的他卻改變不少,留着「二撇雞」、一雙濃眉和「脹卜卜」蘋果肌的外貌,卻被網民戲稱為任天堂的Mario。今日(05/1)陳浩民與家人一同出席芭蕾舞學校開幕時,又再次變得年輕兼唔同樣!

1997年的陳浩民,勁靚仔!(微博圖片)

陳浩民和老婆Lisa接受《香港01》訪問時,就大方分享凍齡的秘密。他說:「點解越嚟越後生呢?因為舊年同前年我好懶,發咗福,我老婆就提醒我係時候對自己好啲,唔畀人睇到我咁油膩,咁老。佢成日都同我講:『每個肥嘅人都係潛力股。』減肥之後都會變靚仔。咁我呢排就忍下口減肥,勤啲做Faical,同埋近排工作係冇咁頻密,個人又會精神啲,同埋近得屋企人多,又多咗湯水。老婆多喺身邊,採陰補陽嗰啲啦,哈哈哈,我係話個氣場。」

2019年出席內地活動時的陳浩民,被網民稱為Mario。(網上圖片)
陳浩民今日出席芭蕾舞學校開幕活動。(林迅景攝)
+16