【白色強人】珍姐宣布開拍續集 張曦雯農曆新年帶男友去拜年

撰文:
最後更新日期:

無綫《萬千星輝頒獎典禮2019》最佳劇集《白色強人》今晚舉行慶功宴,無綫電視助理總經理(戲劇製作)曾勵珍 (珍姐) 即場宣布將會開拍《白色強人2》。有份主演該劇的張曦雯 (Kelly) 亦會參與續集的演出。Kelly透露今晚的慶功宴是由視帝馬國明負責請的。她說:「我嚟到以為我有份請,點知原來係馬明請,之前套劇收視高慶功都係佢請。佢依家係視帝,梗係應該畀佢請啦。」

珍姐宣布將會開拍《白色強人2》。(陳順禎攝)

問到Kelly今個農曆新年可有假期,她說:「有呀,我初一至初三都放假,不過其實我無乜嘢做,所以我寧願開工。我爸爸媽媽都唔喺香港,又無咩親戚喺香港,唔使去拜年,但係我會去婆婆度陪佢食飯。(會唔會帶埋男朋友去?)會呀,佢上年都有一齊去。」Kelly坦言男友一早見晒家長:「我爸爸媽媽對我嚟講好重要,不過又無話過唔過關,最緊要要相處到,咁佢哋同我男朋友都相處到。」喜歡打機的Kelly閒時仍有打機,只是沒有開live無開live,直言開live是一種壓力。而她男友也喜歡打機,兩人會一起打,並沒有因為打機而吵架,她打機比男友叻。

張曦雯表示爸媽和男友相處得到。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。