【網紅獵人】富二代Tawina做化妝KOL原來冇優勢 :畀人鬧係豬扒

撰文:
最後更新日期:

「你嫁個有錢佬好過啦!」這句說話對於自小家境富裕的Tawnia來講一點也不陌生,更是從小聽到大。在外人眼中,身為「富二代」的Tawnia就像溫室中的花朵,在保護下成長,但她就決定靠自己走上另一條路。一次機緣巧合認識美妝YouTuber Pumpkin Jenn後,兩人一拍即合,更合夥投資過百萬成立自家護膚品牌「WOKE UP LIKE THIS」!

Tawnia家族生意與護膚有關,家姐Christal一路以來教會她不少事情,而她在幫手打理生意的同時也學到不少知識,相信為她後來創立護膚品牌幫助很大。(劉智源攝)

+2

反感被勸嫁入豪門:唔鍾意活在人哋控制底下

在香港長大的Tawnia,今年只有23歲。雖然自小衣食無憂,但她在澳洲讀書期間已經做過不少實習工作,希望可以吸取更多經驗,更堅持一個理念,就是靠自己:「因為我自己細個嘅時候,成日都有啲Auntie走過嚟話『你嫁個有錢佬好過啦』,我會唔開心,我點解要咁樣,我點解唔可以自己去做一啲我自己鍾意嘅嘢,我自己畀飯我自己食,我自己想買咩都係由我決定,我唔鍾意活在人哋控制底下。所以我對呢樣嘢好反感,寧願做啲我鍾意做嘅嘢,我去努力爭取。」

現年23歲的Tawnia自小衣食無憂,身邊的親友也認為她應該嫁個有錢人,安安穩穩過日子,但她堅持要靠自己。(劉智源攝)

與Jenn一拍即合 嘆做KOL不易

就在實習期間,Tawnia在一次品牌活動上認識當時已經甚有知名度的美妝YouTuber Jenn,兩人一拍即合,更合夥投資搞生意。不過相比起在IG坐擁超過21萬粉絲的Jenn,Tawnia的IG Followers只有1萬多人:「其實我自己又未覺得自己係KOL,因為我得萬幾個Followers。可能人哋眼見KOL係一件好容易嘅事,好容易搵到快錢,但其實佢(Jenn)都為佢自己嘅工作付出咗好多時間,好多心機。有時同佢去去下旅行,佢夜晚兩點幾三點都仲剪緊片。同埋有時佢又會做下啲產品資料搜集,呢啲係觀眾睇唔到嘅嘢。我覺得需要好多時間,自律都好緊要。」

Tawnia在一次品牌活動上認識當時已經甚有知名度的美妝YouTuber Jenn,兩人一拍即合,更合夥投資過百萬搞生意。(IG@pumpkinjenn)

年紀輕輕已經有自己的品牌,好叻女!(iG@thebabygirlo)

+20
+19
+18

樂觀面對被網民鬧豬扒:我覺得好笑囉

雖然Tawnia說不當自己是KOL,但隨着她與Jenn合夥搞生意,她的曝光率也增加,不過同時也令她捲入是非當中。畢竟在一般人眼中,Tawnia不像大家所見到的KOL那樣,樣靚、身材好、打扮潮流,她亦因此頻頻被網民狙擊,惡言相向:「都會有人話我係豬扒,我覺得好笑囉。我又唔會話好唔開心,我就拍返個搞笑嘅Stories話『我係豬扒』回應返佢哋,或者叫佢哋唔好唔開心。」

隨着曝光率增加,Tawnia也頻頻被網民狙擊,更有人鬧佢係豬扒,不過佢就話得啖笑。(劉智源攝)

+6
+5
+4

感激男友支持 接受求婚踏入人生新階段

Tawnia不但要冒着生意可能隨時蝕本,還要飽受網民批評,但幸好無論是家人還是男友都非常支持她:「佢(男友)大我幾年,出咗嚟做嘢都一陣。因為佢自己都做家族生意,所以我日常遇到好多問題佢都會教我呀。譬如從EQ方面,佢都教咗我處理同啲同事嘅關係,或者譬如會計嗰啲,呢啲佢都會教我,我都好感恩有佢。」而就在去年年底,Tawnia獲男友驚喜求婚,準備踏入人生新階段!

Tawnia在去年年底獲男友驚喜求婚,恭喜恭喜!(IG@thebabygirlo)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。