【武漢肺炎】MIRROR工作受影響 姜濤被迫「量地」赴台拍劇無期?

撰文:
最後更新日期:

「武漢肺炎」肆虐,香港的確診數字日漸上升,日前更出現第一宗死亡個案,疫情愈來愈嚴峻,市民紛紛減少外出避免風險,而演藝界的活動亦相繼取消。炙手可熱的男團MIRROR也受到影響,他們原定於五月於九展Star Hall舉行演唱會,現在鐵定延期舉行,經理人花姐(黃慧君)接受訪問時說:「原本係三月開賣,我覺得好似唔係幾啱時候,加上唔敢肯定五月係咩情況,就決定延期。」至於延期後的舉行日子,花姐就說因為近來有很多演唱會相繼取消或延期,所以還在排隊輪候中:「我哋希望可以排喺暑假嘅時候。」

MIRROR除了演唱會,專輯亦同樣延期推出。(資料圖片)

至於鏡粉(MIRROR粉絲)期待已久的MIRROR Full Album亦隨着演唱會改期而計劃有變,花姐說: 「專輯嘅歌都做得七七八八準備好晒,可以如期喺五月完成,因為我好想專輯同演唱會一齊出,所以專輯可能都會跟住演唱會延期。」至於專輯內裏會否有小組歌或Solo歌,花姐則保持神秘說:「總之會令大家驚喜,我好開心!」

花姐下令MIRROR成員除了工作需要以外減少外出。(資料圖片)

姜濤與Anson Lo(盧瀚霆)原定今年4月會赴台灣拍偶像劇,計劃也被推遲,花姐就否認與疫情有關:「本來係4月中或者尾拍攝,但MIRROR原本五月開演唱會,就提議不如演唱會後拍,唔使飛嚟飛去,本來就已經推遲到五月先拍。」又指自己未收到消息會否因疫情嚴峻而再度延期。至於MIRROR成員Stanley(邱士縉)原本亦會到台灣拍攝另一部劇集,同樣面臨延期:「呢個係劇組嘅Production未準備好,係通常都會有嘅延遲情況,都等待通知中。」

花姐坦言劇集《男排女將》的拍攝同樣受到影響:「排球比賽嘅戲份都係Book咗政府場地去拍攝,而家好多都唔開,所以有幾日拍攝取消咗遲啲再補拍;其他唔受影響嘅場次都拍攝緊。」(資料圖片)

重溫MIRROR成員拍攝《男排女將》情況:

+15
+15
+15

花姐亦提到現階段不少商業廣告都需要延期拍攝:「好多廣告商搵我哋做嘢冇話取消,但都延咗期、停咗;咁我哋就將呢段時間放返喺製作上拍劇、錄歌,等之後嘅行程唔需要咁緊迫。」姜濤亦趁着這段空檔籌備新歌,花姐透露:「準備緊,應該好快出。」至於日前主將姜濤在個人社交媒體寫道:「有太多的不確定,願一切可以順利,我都嫌自己煩了。」花姐就指姜濤應該只是覺得疫情影響了工作上的一些安排。

至於大量工作被停擺會否影響收入,花姐就說:「其實對我哋冇乜影響,因為平時都唔係賺好多。帳面數目當然係比之前少,但真係計利潤的話其實係差唔多;因為一路以嚟我哋都冇乜點賺錢。」

+29
+29
+29

MIRROR日前在接受訪問時提到成員Anson Lo(盧瀚霆)、Jer(柳應廷)、Anson Kong(江熚生)均將在二月尾推出Solo歌曲,花姐就提到這個計劃如期進行,並沒有變化:「反而更加想喺呢個時候出多啲歌,大家冇其他嘢做可以專心聽下歌。(宣傳受影響?)訪問一定受影響,宣傳可能少咗,唯有喺宣傳活動上做改變,可能轉用社交媒體或者電話訪問,盡力做。」原本Anson Kong的新歌MV會在台灣進行拍攝,因為疫症遇上入境管制所以改為在香港拍攝;花姐又說進度非常好:「Anson Lo、Jer嘅MV已經拍完,呢兩日會到AK(Anson Kong)拍MV,會趕得切喺月尾推出。」 



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。