【武漢肺炎】公司生意大受影響 林盛斌感無奈：有啲打亂咗
撰文：吳子生
出版：更新：
林盛斌（Bob)今晚（11/2）以嘉賓身份現身電視城出席無綫綜藝節目《娛樂大家十點半》錄影。提到全球受疫症侵襲，嚴重打擊經濟，阿Bob作為娛樂製作公司老闆坦言感到無奈：「手頭上有好多騷都叫停咗，承認喺工作上面都會有啲打亂咗，雖然我哋公司員工只有十多人，為安全起見我哋已經安排啲員工在家中工作，明白呢個疫症唔知會幾時先會完，好在自己本身都有積穀防饑習慣，相信公司同家庭嘅開支，我都會支持得到，所以公司唔會逼員工放冇薪假嘅，因為呢個時候，我會同公司嘅員工一齊同舟共濟度過難關。」
阿Bob直言受疫症影響，公司生意大受影響。（梁碧玲攝）