【武漢肺炎】莊端兒無懼疫情開新店賣魚皮：掙扎咗好耐
撰文：吳子生
出版：更新：
莊端兒代理的馬來西亞咸蛋魚皮首間精品實體小店今日（21/2）於紅磡開業，更找來翟威廉共同合作擺賣其家族生意日本清酒產品，供客人選擇購。端兒表示：「其實開業呢個計劃，係喺疫症之前已經落實，其實我哋掙扎咗好耐，本身1月頭就要開，但拖咗成兩個月先開，其實就因為擔心呢個疫症會影響到大家，所以遲到宜家先開業。」
莊端兒與翟威廉因打網上遊戲結緣，並共同合作開精品小店賣日本酒品及咸蛋魚皮。（葉志明攝）
提到疫情影響，市民恐慌搶購口罩之外，連日常用品廁紙都被搶購一空。端兒表示在疫症爆發之前，家中已有足夠數量廁紙備用：「不過宜家屋企嘅廁紙都差不用完，去到山窮水盡情況，我宜家唯有慳啲用，如果去細嘅話就用兩格廁紙，如果去大嘅話就用八格以內，盡量慳得就慳，不過宜家如早起身，都會去超市睇下有冇得買。」
莊端兒坦言家中廁紙就快用完，坦言要慳住用。（葉志明攝）