【武漢肺炎】薛家燕受疫情影響收入減少:而家我想做都冇得做!

撰文:
最後更新日期:

由薛家燕主持的歌唱節目《流行經典50年》昨天(25日)進行錄影。家燕姐以黑色低胸玫瑰印花長裙亮相,相當性感,她受訪時便坦言服裝是設計師特意在歐洲購買回來:「歐洲女性比較較開放啲,所以我今日都特登着得比較開放啲。不過都出咗少少問題,因為今日主題係正能量,所以我就選擇現代版《皆大歡喜》的主題歌曲唱,唱到『人面對風波心中少不免,震震震震震』,我助手就同我講『家燕姐,妳唔好咁大動作,妳一震就好震撼』,所以我都同導演講一唱到震就拉闊畫面。」

家燕姐希望今天在節目中能發放正能量給大家。(梁碧玲攝)

談到「武漢肺炎」肆虐,家燕姐坦言她的「家燕媽媽藝術中心」受到一定的影響:「我哋學校咁多學生,由一月到依家都冇辦法上堂。當然要以大家健康為重,好多學生都打嚟問我上堂得唔得。因為佢哋而家都冇得返學好悶,但係我都同佢哋家長講我唔敢開,因為大家聚埋一齊會易受感染。」

原本家燕姐和黎耀祥有郵輪表演,可惜疫情關係取消了。(梁碧玲攝)

學校停辦受影響,連藝人的工作很多需要暫停或取消,她說:「我係有損失,但諗返轉頭以前人哋話,家燕姐做咩唔休息下,成日接工作。睇返而家係啱,因為可以積穀防饑。而家我想做都冇得做,冇人畀你做。好彩屋企仲有啲米係到食住先。」

點擊睇更多現場靚相!

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。