【慶餘年】范閑後母原是國家藝術體操選手 曾拍港片跳熱舞勁搶鏡

撰文:鄺鈺瑩
出版:更新:
劇中二夫人處處針對范閑。

《慶餘年》集不少好戲之人,較為人熟識嘅除咗有飾演慶帝嘅陳道明,仲有飾演監察院院長陳萍萍嘅吳剛。不過,原來除演技之外,有演員嘅隱藏實力更係國家級水平,就好似飾演五竹叔嘅佟夢實,曾係國家二級運動員,專長100米短跑;而飾演范家二夫人、范閑後母柳如玉嘅趙柯 ,入行前曾經係國家藝術體操一級運動員。

趙柯6歲開始練體操,所以身材特別好?(網上圖片)

6歲已經開始練習藝術體操嘅趙柯,曾考入解放軍藝術學院舞蹈系,但後來因為腰傷而被迫放棄跳舞。趙柯後來成功考入北京電影院表演系,並喺2003年以勵志電影《跟著陽光跳舞》出道。入行17年,趙柯曾在《歲月風雲》同林峰、佘詩曼合作,又試過喺《愛拼北京》同楊洋合作。

相信鄧麗欣都未必記得自己拍過一套叫《公主的誘惑》嘅電影。(影片截圖)

趙柯雖然曾因腰傷而放棄跳舞,但只要有機會佢都唔會放過。喺同鄧麗欣、蘇永康合作嘅電影《公主的誘惑》中,趙柯飾演酒吧跳舞女郎,電影開首,身穿黑皮Tube Top、熱褲嘅趙柯除瘋狂扭腰外,踢腿、拱橋、瞓地等動作統統做齊;其後她為了拯救酒吧,參加舞蹈比賽,deep v露背裝配以性感舞姿,同佢喺《慶餘年》深思細密又帶點陰險嘅二夫人判若兩人。

趙柯喺戲中有唔少性感跳舞埸面。(影片截圖)

趙柯熱舞逐格睇

+15