兩大女神沈殷怡陳欣妍再戰真人騷 《美女郊遊遊》竟變死亡行軍

撰文:
最後更新日期:

《辣伙頭》中的沈殷怡(Shirley Sham)和陳欣妍(Shirley Chan),因為合作節目而大受歡迎,其後更被「連登巴打」封為「Double S」。

近日有消息得知,ViuTV為回應網民的熱烈訴求特別安排「Double S」開了一個叫《美女郊遊遊》(暫名)的節目,並將於4月13日播放。節目由她們做主持,帶觀眾遊覽香港的郊外風景之餘,還會要求她們攀山涉水。不過節目開拍第一日就已經要行山行足12小時,極度Hardcore!真是似足挑戰體能極限多於郊遊。

「Double S」,即是沈殷怡(Shirley Sham)和陳欣妍(Shirley Chan)。(電視截圖)

回帶睇「Double S」:
【辣伙頭】10個網民熱討話題 洛兒都不及「Double S」雙打曯目

【詭探前傳】最難忘彭靜結局一幕 沈殷怡:呢一世都唔想經歷!
【黑市】陳欣妍入行後連拍兩套電影 自覺唔識做戲:有啲慚愧

+2
+2
+2

首日拍攝行足12小時 沈殷怡遇人生中最重大的考驗

沈殷怡自言只有非常少行山經驗,體能非常差,所以這個節目對她來就是人生中最重大的考驗。她接受《香港01》訪問時稱:「我連環繞太平山條路行一圈都當行山,其實我係一個體能廢到爆嘅人,郁啲就攰同埋好少做戶外運動,真係超級攰,行完隻腳好似唔係自己嘅。」據知,在第一天節目組就要求她與陳欣妍征服香港的最高峰大帽山,在早上7點開始,由麥理浩徑六段出發,經過針山、草山,再到大帽山落山,最後晚上8點才完結束行程,整整花了12小時!

又係陳欣妍(Shirley Chan)同沈殷怡(Shirley Sham),係咪好興奮呢。(受訪者提供)

節目太Hardcore 「女神」沈殷怡行到驚

她續說:「去到中段嘅時候,對腳已經唔屬於自己啦,個腦已經諗唔到嘢,但係對腳自己喺度行,對於我嚟講係人生第一次行咁險峻嘅山路,而嗰日係第一日開工,所以我嗰時對呢個節目係抱有極度恐懼嘅心態。第一日已經咁廿,之後十幾廿日要點捱落去......去到尾段已經入黑,周圍凌黑一遍,直頭想放棄人生。其實行程中後段阿Dee(何啟華)同Shirley(陳欣妍)都幫咗我好多,救咗我上山。」

聽聞《美女郊遊悠》與《花姐ERROR遊》也是同一個節目製作班底,所以行程一樣都是相當瘋狂。

陳欣妍唔怕攰 反而要克服恐懼:我十級畏高同畏水!

而「Double S」的另一位陳欣妍接受訪問時,就坦言行山對她來說並不是艱難的挑戰:「可能因為我平時有做開運動,我以為行完隻腳會好痛,不過又冇乜嘢,係返到屋企隻腳有少少痛,貼咗幾塊『休足時間』。」雖然行山一點都難不到她,但原來「好戲」還在後頭。在之後的集數中,原來她竟要面對自己的恐懼。她說:「我係十級畏高同畏水!我個人真係會震晒!有個Shot要爬上一舊大石上面,有部航拍機影住我哋,我連望住架航拍機飛入啲雲嗰時,我成個人好似暈一暈咁,差啲企唔穩。」

陳欣妍擔心自己沒有綜藝感而影響節目可觀性。其實做自己咪得囉,使乜擔心咁多。(IG@shirleyelephant)

行程中陳欣妍遇到一個小朋友,童心大發的她還和這位小朋友玩了一會兒「狐狸先生幾多點」。(受訪者提供)

工作人員替她們拍了不少照片:

行山半路「嚟M」 陳欣妍懶理照行

她續說,自己也算是一個可以忍受痛楚以及疲勞的人,只不過就較擔心自己上鏡時的樣子:「有一日我拍下拍下突然嚟M,我都照行。我覺得自己都算係一個刻苦耐勞嘅人,同埋我都係一個唔驚污漕嘅人,哈哈。」當記者向她詢問行山照時,她卻透露自己在行程中並沒有拍照,說:「我一張相都冇影到,哈哈!因為我第一日行山曬到皮膚敏感吖,成塊臉都紅曬。第一次皮膚係咁差,平時素顏都幾有信心㗎,但係呢幾日我連畫眼線都放棄埋。」

第一日已經要行12個鐘,真係堅行。(IG@shirleyelephant)

「女神」二字,有藝人會視之為讚美,亦有人會認為是包袱,做「女神」係難,長期Keep住做「女神」就更難,之不過這個節目就正是要為她們加添了幾分人性和「貼地」,脫去大眾認知中的「女神」形象,向電視機的觀眾說:「她們都會呻辛苦、都會披頭散髮,亦有害怕的事和不擅長的事。」距離4月份播出的時間還有一多個月,真令人期待。

沈殷怡說其實大腿上也貼滿了「休足時間」,她說:「一隻腳要貼起碼10塊,涼到好似浸緊冰桶先會舒服少少。」(IG@shamshirley)

睇佢哋IG Story就知有幾辛苦:

+6
+6
+6

點擊睇 獨家靚相:

+40
+40
+40


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。