【法證先鋒IV】林敬剛做醫生都要殺人:我希望每人講反派就諗起我

撰文:
最後更新日期:

《法證先鋒IV》今晚終於出現殺死鄭子誠的兇手,不是陳煒,也不是康華,原來是飾演鄭子誠好友的林敬剛。林敬剛一直都做不少反派角色,他曾接受訪問時也說希望可以做一些律師、醫生的角色,今次終於有機會做一個皮膚科醫生,但依然是一個反派,而且是殺人犯。

林敬剛想殺陳煒呢幕真係好狠。(螢幕截圖)

林敬剛入行超過30年,一直予人的感覺都是一個大反派,所以他自己曾經也想開拓戲路,但其實演奸角演得夠深入,一樣有出路!他在接受《香港01》訪問時說:「之前我訪問中曾經講過希望嘗試不同角色,咁啱法證飾演一個整容醫生都好開心,都多謝梅小青和方俊華畀我機會客串兩集,雖然都係做反派要殺人,唔緊要,我希望做到每個觀眾或導演,監製一想起反派角色就一定想起我,這就才是代表我演反派角色出色和成功,所以我不介意。」

林敬剛初出道拍電影《摩登襯家》與袁潔瑩飾演情侶。(螢幕截圖)

除了繼續在TVB拍劇,林敬剛也會在內地拍網絡電影,他說:「近這幾年我真的多了在國内拍網絡電影和院線電影,其實係搵多一點演出機會和學習機會,亦可搵多條路嘅,國内登台都有,要搵食呀,只要有人欣賞我,任何我覺得值得付出的演出工作,我都會做,在國内拍戲有時都辛苦㗎,不過都值得嘅。」早年在內地拍劇的確是不少港星的出路,拍一部隨時可以買部法拉利,不過林敬剛則表示沒有太誇張,「哈哈,賺好多又唔會,搵餐飯食吓啦,不過有時國内製作團隊都幾有效率同幾認真,拍一部戲就能買法拉利,你當我係古老闆咩!」

林敬剛入行多年,同唔少圈中人都係老友。(微博@林敬剛)

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。