【新冠肺炎】孫慧雪囝囝唔願戴口罩 掉落地好浪費：擔心佢健康
撰文：賴家杰
出版：更新：
孫慧雪（雪雪）今天（19日）出席派口罩活動，現場雪雪亦穿戴手套與口罩才派發口罩，她說：「之前好多朋友送好多防疫物資俾我，真係好有心，所以我都特登戴哂身上。咁其實我都唔係每日咁重裝備，唔係我會呼吸唔到。」
雪雪已經係第二次派口罩俾有需要人士，她直言這次準備防疫措施做得很好。（葉兆康攝）
現場派口罩同時，雪雪透露原來家中口罩所剩無幾，她說：「開頭冇諗過疫情會持續咁耐，之前我去日本旅行都有買口罩，買完返嚟都送哂俾朋友同屋企人。本身都諗住可能呢啲時候都會搵到口罩，但依家全球都有疫情。我之前都有搵朋友訂日本口罩，不過全部都取消訂單。」
雪雪表示家中口罩只能足夠維持今個月。（葉兆康攝）
雪雪慶幸小朋友的口罩還足夠，但她說自己的孩子經常令到她生氣：「佢依家唔係好出街，所以仲足夠。開頭佢出街戴一陣口罩又會除低，再丟落地下，好浪費。之後我就同佢講唔好出街啦，所以依家出街佢都唔敢除口罩，有段時間真係唔畀佢出街。我都係呢方面先咁惡，我好擔心佢健康問題。」