【機場特警】IG宣傳劇集被指撐楊明遭網民狂鬧　湯洛雯：不回應

湯洛雯最近有份演出《機場特警》，劇中她是一名空姐，飾演張振朗的女朋友，所以她日前在IG也post出自己在《機場特警》的NG片段做宣傳，不過卻有反效果！

點解會咁？事關近來劇中演員楊明是非纏身，不停被網民抵制，所以有網民呼籲罷睇《機場特警》，而靚湯躺著也中槍！作為演員宣佈自己劇集相當正常，卻有網民留言指：「Sorry你係我少數仲follow 緊嘅XXTVB藝人，但最後都要unfollow埋你。撐TVB 其他劇都算，好撐唔撐撐楊明套機場X警？樣靚但心盲，無得救。」平時靚湯IG每個post只有百多個留言，今次卻激增至過千，看來網民相當激烈。《香港01》就事件向湯洛雯查詢，她表示不作回應。