馮盈盈緋聞主播鄭衍峰背景超強 名校UBC畢業版封「女神收割機」

撰文:黃欣華
出版:更新:

馮盈盈(Crystal)向來敢愛敢恨,自從去年尾宣布與醫生男友鍾文浩(Martin)分手,立即將二人何文田的豪宅愛巢放租,從不拖拖拉拉。繼早前Martin被影到拖新女搭膊頭看日落,回復單身的Crystal亦傳出秘戀「大隻主播」鄭衍峰(Leonard),而這名主播原來來頭也不少!

二人在節目中大玩「蝦條之吻」。 (電視截圖)
回復單身的Crystal傳出秘戀「大隻主播」鄭衍峰(Leonard)!(IG/@crystalfyy)

雖然Crystal的前任男友Martin不單止讀傳統名校喇沙書院,2005年會考勇奪10A,之後順利入讀港大醫科,現時在瑪麗醫院任職內科駐院醫生。但現年28歲Leonard同樣是筍盤一名,他於加拿大溫哥華土生土長,畢業於當地著名學府UBC(英屬哥倫比亞大學)主修經濟與亞洲研究,他更曾擔任香港學生會會長。

馮盈盈與前度Martin分別傳出疑似擁有新歡的傳聞。(crystalfyy@Instagram)
馮盈盈參選香港小姐時,已大方公開Martin男朋友的身份。(crystalfyy@Instagram)

他曾在加拿大加拿大中文電台(CJVB)及新時代電視(Fairchild TV)任職DJ及節目主持,更與美魔女李婉華一同主持節目《小心華之里》,當時李婉華就曾鼓勵Leonard回流返TVB發展。直到2016年,當TVB高層杜之克、樂易玲、余詠珊到溫哥華擔任《型.男家族》比賽評判,同時接見一眾新時代電視節目主持時,即獲余詠珊賞識,隨即簽約而回流香港發展。

Leonard絕對是一名型男!(IG/@_leonardcheng)
Leonard曾與李婉華做節目 !(資料圖片)
李婉華曾鼓勵Leonard回流。(FB圖片)
於溫哥華被Sandy睇中簽約!(梁碧玲攝)

Leonard除了是無綫娛樂新聞台主播,擁有43吋胸肌兼六嚿腹肌的他更曾多次拍攝旅遊節目《3日2夜》,由於他多次與鄺潔楹、陳詩欣、蘇可欣等女神合作,被稱為「女神收割機」!對於自己與馮盈盈傳出戀情,Leonard回覆《香港01》時稱:「關係係朋友,佢有啲咩需要都會幫嘅。我反而唔好意思啊,就算我想FYY都大把選擇,只可以話多謝大家覺得我襯得起佢。(有冇發展可能?)盈盈係一個好女仔,熟咗發現佢有除左鏡頭前咩都敢講,有敢言嘅一面,都有冷靜思考嘅一面,有獨立思考呢樣嘢都係值得欣賞嘅,所以大家傾計都啱Channel。開始熟啲,大家傾計佢都比到好多工作上意見我。」

鄭衍峰(Leonard)曾與多名女神拍攝《3日2夜》。(資料圖片)

點撃下圖睇更多與女神合作照片!

+5

而Leonard更搞笑澄清自己只有41吋胸肌,他更強調現實並不是「溝女王」,他指:「我現實生活真係未試過咁瘋狂追女仔,節目效果得短短30分鐘,我之前係做好功課……我本身係個啲好講求感覺,默契嘅人,所以一定要時間溝通,了解大家價值觀,理想等等,甚至乎了解大家笑點喺邊都非常重要!」

二人外形相襯!(IG/@crystalfyy)

點撃下圖睇更多疑似秘戀痕跡!

+16
發表評論...