【開心速遞】傳不滿受訪罵走女主播　呂慧儀感委屈：當做下宣傳

日前有報道指無綫娛樂新聞台女主播周佩婷在探班時，上前第一句就問：「你今日有咩講？」，而令拍緊《愛回家》的阿蟹甚為不滿，即反問對方：「你知唔知我哋拍緊嘢？」，令對方敗走收場。今日（14/4）呂慧儀（阿蟹）出席《愛．回家之開心速遞》活動時，接受《香港01》記者訪問時，直言報道出街後感到莫名其妙：「其實我覺得個記者咁問係冇問題，我唔覺得佢有冒犯咗我，而且平時我同其他同事都係咁傾偈，講嘢仲會好大聲，其實我係一個無乜所謂嘅人，反而我覺得呢件事好無厘頭，其實又唔係好似大家咁諗好大件事，當做下宣傳啦！」