【十八年後的終極告白】尹詩沛連環KO超霸氣 洗甩舞女味成功轉型

撰文:
最後更新日期:

由陳山聰、譚俊彥、黃智雯、楊秀惠等主演的新劇《十八年後的終極告白》正在熱播,劇情圍繞着18年前的一單集體殺人案而展開,案中主要人物陸續出場,在昨晚(28日)播出的一集中,失聯多年的Tiger(杜大偉飾)同老婆阿娣(尹詩沛飾)終於登場,更用這單埋屍案威脅Sam(譚俊彥飾)做假帳!

《香港電影我撐場民選大獎2020》全民一人一票,用行動撐本土!

https://hkmovies2020.hk01.com

旗艦智能手錶 Series 5、Dyson風筒等豐富獎品等你贏!

《十八年後的終極告白》圍繞着18年前的一單集體殺人案而展開。(劇照)

劇情講到Tiger相約一眾舊友Sam、阿一(陳山聰飾)、肥仔富(何遠東飾)、吹水(林師傑飾)到茶樓相聚,期間阿娣露出真面目,用18年前的埋屍案威脅眾人:「我而家唔止要要挾佢(Sam),我係要要挾晒你哋咁多個呀!你哋精嘅呢,就幫下手勸下Sam哥搞靚啲盤數,如果唔係我就報警拉晒你哋班友仔,洗定蘿柚啦!」即時「抛窒」在場所有人,更激到阿一拍枱!不少觀眾都大讚飾演阿娣的尹詩沛(Nicole)超霸氣,短短幾分鐘的一場「先禮後兵」的戲份無論是表情還是語氣都相當出色!

阿娣(尹詩沛飾)用18年前的埋屍案威脅眾人,連環KO超霸氣!(YouTube影片截圖)

點擊下圖重溫精彩演出:

+40
+39
+38

對於今次的演出,Nicole就表示自己同角色有少少相似:「其實茶樓呢場戲都有7頁幾紙,拍攝時間都比較長,但大家一埋位都做到好到位。個角色有少少我自己嘅成分喺裏面嘅,我本身都比較直腸直肚,男仔頭性格多啲,所以將呢一面放大少少就表現到嗰種霸氣出嚟。同埋拍嗰陣其實基本上同在場每個演員都已經合作過,又有好充足嘅時間畀我哋準備,所以一去到現場好容易入到戲。」

Nicole今次飾演豬肉婆。(IG@nicolewanseepui)

Nicole入行十年,多數被安排飾演一些「風塵女子」的角色,更因此有「大台御用妓女」的封號。不過今次她終於成功轉型,演繹更貼地的「豬肉婆」角色:「呢套劇係第一次感覺到轉型嘅魔力,對我嚟講好有挑戰性。入行咁耐演咁多風塵女子,好似已經變咗係手板眼見功夫,所以今次係跳出Comfort Zone。其實《金宵大廈》之後,我喺《黃金有罪》做完媽媽桑之後就已經脫離風塵女子嘅行列,而家嘅角色離嗰條風塵路都好遠喇,慢慢再做一啲貼地、年紀比較大嘅角色。但我覺得人生閲歷多咗,可以演到年紀範圍更大嘅角色。」

Nicole在劇集《黃金有罪》中飾演Tina媽咪。(YouTube影片截圖)

在《金宵大廈》中飾演舞女芳芳的Nicole,更與舞女莎莎(阮兒飾)上演一段SheShe戀。(電視截圖)

+14
+13
+12

Nicole為了演好「豬肉婆」更特別增磅,希望效果更真實,相當敬業!其實《十》對於Nicole來講算是轉型的重要一頁,她之後在劇集《迷網》(前名:《網絡騙案》)中飾演一位師奶,多數與前輩演員合作,但她就表示非常融入劇組,現時Nicole正拍攝劇集《一笑渡凡間》,不過她就笑言希望有機會挑戰演淑女,將自己斯文的一面展現給觀眾!

Nicole成功轉型,希望挑戰演淑女!(IG@nicolewanseepui)

+14
+13
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。