機場特警專訪|黃子恆重提當年食粉絲:天真覺得感情係兩個人嘅事

撰文:
最後更新日期:

《機場特警》飾演章振赫的黃子恆在2018年年尾被一名自稱是他粉絲的內地女子指兩人分發生兩次性行為,更指腹中BB現已4個月大,黃子恆卻一直玩失蹤。事件一直令到黃子恆相當困擾,當時他立即出來澄清事件,但很快又有歌手迪子以截圖控訴黃子恆,當中內容有包括:「睇下有咩搞,凍凍哋」、「提供服務」等,認為黃子恆只係想「一夜情」。

事件過了年半,黃子恆終於再次開腔澄清事件,這件事上,他的確有處理不當的地方,或者未必人人能接受,經過這些事件後,他決心要改變自己。

黃子恆親自剖白一連串事件。(陳志嵐攝)

2018年12月,名自稱是他粉絲的內地女子爆料,自稱曾兩度與Hugo發生性行為,兩人第二次見面便上床,之後更懷孕,腹中BB現已4個月大,黃子恆卻一直玩失蹤。當時黃子恆早已說過自己發生性行為時有做足安全措施,不介意驗去DNA以證明自己的清白,曾嘗試過跟該名女粉絲發展為情侶關係,奈何「Work Out不到」(無法走下去)也沒有辦法。

呢次就係Hugo同Michelle首次見面嘅粉絲聚會。

+4
+4
+4

「當時其實早在大家睇到件事之前,大半年九個月至一年度,其實內地嗰個女仔已經開始話會做一啲嘢去令到我嘅事業出問題。」他指其實他已經一早知道該名粉絲會爆料,只是未知道實際的行動,令到心情一直被纏繞,也不知道要如何應對。到真確的發生後,他明白了一個道理:「我哋藝人係選擇伴侶方面,無論男仔女仔係需要更加小心,更加需要諗清楚簡單啲講,但係當時我仲好天真地覺得,感情係兩個人嘅事啫,但其實唔係喇好明顯,藝人感情唔係兩個人嘅事,係全世界嘅事。」

黃子恆明白到藝人的感情生活的確要控制。(陳志嵐攝)

自此,他對女朋友這個定義有所改變,作為藝人原來不是任何人都可以發展成情侶。另一點關於女方懷孕,黃子恆列出時間作為證人,「知道個新聞嘅時候,我同佢已經冇見面大半年至一年,但係佢話佢有BB,有咗四個月,呢個係冇可能發生嘅事!但係好多報道只係有做安全措施,佢哋從來冇理過個時間性根本冇可能發生。」當時很多方面也叫他不要再多解釋。

黃子恆當時其實好想再解釋。(陳志嵐攝)

事件發生後,女粉絲沒有再找自己,卻在自己的粉絲群組再放話,指不會輕易罷休,黃子恆亦悔疚:「當時不歡而散,亦真係每一次個女方都總會有唔開心嘅時間,呢個(我)咪要改囉,無論作為朋友又好,情侶又好,都盡力唔好令到人哋唔開心。」

相關文章:

【矚目配角】羅樂林同太太分房九年不離婚:有啲嘢已經各走極端

【矚目配角】馮素波讚古天樂成名後不忘本:佢照顧同行每一個人

【鐵探.專訪】惠英紅不介意當年失獎:我眼光不在於咁細

當時女粉絲事件還未結束,香港女歌手迪子再將2017年與黃子恆的對話截圖加錄音放出,直接黃子恆約她到九龍塘,又說是迪子「提供服務」,更要玩「人魔大戰」。而一段錄音內容,一把疑似黃子恆嘅聲音,在問迪子的檔期,並提到「睇下有咩搞,凍凍哋」。

迪子放出與黃子恆的對話截圖。(網上圖片)

對於此事,黃子恆沒有反駁這些對話的真實性,卻指:「其實佢如果係有唔滿意,咪同我講,不過係嗰個timing上大家會覺得點解會係嗰個timing呢?咁我唔知喇。係囉,往往去到呢啲情況,大家睇到嘅message可以節錄嘅啫。我唔想咁樣評論,我只可以咁講,盡量無論點都好,你係追緊一個女仔或者一齊咗,或者分開咗都好,都希望大家保持一個友好嘅關係喇。」

迪子之前為拍MV全裸上陣。

+6
+6
+6

其實男歡女愛是十分平常的事,但作為一個藝人,就要為自己的身份負責任,黃子恆的年少氣盛絕對給他上了一課,1999年訓練班入行的他,已經第20個年頭,為這些事賠上自己的事業當然不值得。幸好,公司、身邊人並沒有放棄他,他說:「當時可能對於感情事仲係比較大膽,同埋比較覺得自己可以承受得到,但係其實去到有啲唔一定關係感情事,可能係新聞,甚至乎係負面新聞嘅時候,其實會擔心嘅人,會緊張你嘅人,佢哋承受嘅心理壓力都比我同樣地大,當時唔會諗到呢啲問題。但係經過好幾次之後,你會知道你嘅朋友、家人,其實有好多人係會因為一啲你做唔好嘅決定,而令到佢哋擔心、唔開心,呢個我覺得作為一個男人都係需要為你身邊嘅人去負責任,我覺得唔係自己想點就點,要顧及吓人哋嘅感受,甚至乎好老實,你要顧及吓公司嘅感受!好多謝製作部,多謝公司,佢要畀一個角色你,大把選擇,佢真係唔一定要畀你,所以我好多謝佢哋,冇完全放棄我。」希望今次之後他可以做得更好!

希望黃子恆唔好再犯錯。(陳志嵐攝)

+7
+7
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。