梁詠琪新歌MV邀潘燦良合作 恨同對方演舞台劇:想挑戰嚴肅題材

撰文:
最後更新日期:

Gigi梁詠琪以「說書人」為大碟概念,即將推出新專輯《PRELUDIO》,繼首支派台作《再見灰姑娘》與第二步曲治癒心靈的《平安夜》之後,來到第三步曲,由Eric Kwok監製、林若寧填詞、Eye Fung作曲的《100層樓的家》,講述兩口子組織家庭,如何做到生活簡單滿足就是美的道理。

「第一次收到《100層樓的家》呢首歌,令我諗起一句經典歌詞『鹹魚白菜也好好味』,呢種舒服、溫暖嘅感覺。當兩人組織家庭,自然想安居樂業,住更高更大嘅屋,但往往越住越離地,忘記了『家』的意義。呢首歌話俾我哋聽,冇忘記兩個人行埋一齊嘅初心,好似歌詞中講『back to one back to one  在一起  足夠好』,簡簡單單已係最好。」Gigi表示。

要為新歌拍MV,Gigi坦言自己絞盡腦汁:「之前拍《再見灰姑娘》MV運用超現實感覺,到《平安夜》就用可愛動畫傳遞溫暖,而《100層樓的家》,就採用舞台劇形式來演繹兩性關係中,由相處到生離死別嘅高低起跌。今次好榮幸,請到潘燦良做故事中嘅男主角,因為一諗到舞台劇,就令我諗起燦良。」

由於MV以劇場形式進行,開拍前導演劉偉恒、Gigi和潘燦良,亦抽空為MV排戲。彩排中,Gigi已感觸落淚;到正式拍攝時,更不斷熱淚盈眶。

「首歌其實好甜蜜溫馨,但導演喺MV尾段加插『生離死別』呢一幕,望著化咗老妝嘅我哋,同燦良坐喺輪椅上同我揮手道別時,就令我諗起,如果有一日,我要同最愛嘅人講再見,究竟我又準備好未呢?」Gigi直言。之後,旁邊的劉偉恒導演插嘴說:「其實我目的係想搞喊你!哈哈!」兩人坦言,今次找來有「劇場王子」之稱的潘燦良演出,有一種如釋重負感覺,因為有他在,令MV無論是走位、燈光、肢體動作,均充滿劇場味道。

Gigi同導演表示,有「劇場王子」之稱的潘燦良演出,有一種如釋重負感覺,因為有他在,令MV無論是走位、燈光、肢體動作,均充滿劇場味道。

獲Gigi與導演大派高帽,潘燦良謙稱自己只是「多事」,目的是一起創作好這個MV,他說:「其實好多謝Gigi邀請我拍MV,記得我哋綵排嘅時候,只係隨便走一走位,Gigi嘅感情已經控制唔住(喊),好快。」此外,Gigi還邀請曾為多個舞台劇擔任導演的潘燦良執導下一個MV,亦期待將來可以和對方同台演出舞台劇。對此,潘燦良表示:「MV真係唔敢,因為鏡頭運用係另一個學問,但我哋可以一齊做舞台劇,只要你肯付出起碼三個月時間,重複又重複背對白、記走位,你有冇問題先?」因為拍MV,搞到戲癮大發的Gigi一口答應:「只要想做,一切都唔係問題,以前做過嘅舞台劇,題材都偏向輕鬆,希望可以有機會做到較嚴肅嘅戲種,挑戰自己。」

戲癮大發的Gigi望與潘燦良合作舞台劇。

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。