【歎息橋】伍詠薇鬧走潘燦良有原型 女藝人《志雲飯局》真實剖白

撰文:
最後更新日期:

ViuTV新劇《歎息橋》的編審黃綺琳說,當初與導演二五(楊承恩)創作這個故事時,是從「羅生門」的概念發展出來 ── 同一件事,不同人看法各異;身兼主演和監製的林保怡則說,劇中出現的每個角色,各自代表社會上不同族群,換言之,撇掉名字,「主角」不過是他或是你和我,觀眾總會在劇情裏聽到看到似曾相識的畫面和話語,從中找到共鳴。

黃綺琳承認,故事中好些情節設定都有真實出處,比如何樂兒(衛詩雅飾)跟李子勇(林保怡飾)拍拖,卻能夠瞞過對方自己其實有另一半(陳奐仁飾胡啟源);李子勇跟方小薇(周家怡飾)識於微時,彼此有情有義,明明沒在一起,卻能夠同居一室。

而剛於周五(15/5)播出的第五集〈失常〉,其中一幕講述梁淑媛(伍詠薇飾)親口鬧走丈夫鍾懷安(潘燦良飾),記者發現無論對白和情景,竟然跟某位知名女藝人的離婚前經歷一模一樣,實在巧合得令人驚訝。

撰文:游大東

梁淑媛(唐寧飾)年輕時曾任職大型會計師行經理,收入豐厚,甚至可以獨力供樓,山大斬埋有柴,反觀當時的丈夫鍾懷安(凌文龍飾)一直醉心科研,在大學擔任研究員,收入有限,後來更因研究計劃遭政府削資而胎死腹中,信心受創,終日鬱鬱不得志,經常覺得另一半看不起自己,與對方愈走愈遠,他曾經向妻子發脾氣說:「如果我喺外國,一定唔只賺呢份糧,係香港先至咁反智,做科研慘過乞衣,日日玩數字嘅就發晒達!」(《歎息橋》劇照)

20年前,仍然年輕的Catherine(唐寧飾)任職大型會計師行經理,收入豐厚,甚至可以獨力供樓,山大斬埋有柴,反觀丈夫Ryan(凌文龍飾)一直醉心科研,在大學擔任研究員,收入有限,後來更因為研究計劃遭政府削資而胎死腹中,信心受創,終日鬱鬱不得志,經常覺得另一半看不起自己,經常借故發脾氣,令雙方愈走愈遠。其實鍾懷安一直計劃離開香港,飛往美國繼續研究工作,認為倘若研究成功,就能救活很多人,不過Catherine後來發現自己懷了鍾家俊(Kevin/岑珈其飾),Ryan出走夢碎,令他灰心喪志,終日怨天怨地,且轉工頻頻,Catherine對此甚為不滿,彼此的負面情緒日積月累,終於在Ryan失業後大爆發。

畫面見到,成年版的Ryan(潘燦良飾)閒賦在家,百無聊賴,只懂打機和喝啤酒,對於找新工作毫不積極,剛剛下班回家的Catherine(伍詠薇飾)見狀,氣上心頭的問:「你唔打算搵工呀?!」Ryan冷淡回答:「我都冇嘢想做!」Catherine埋怨:「有書你又唔教。」Ryan斷言拒絕:「唔教,Loser先教書!」這一句令Catherine有點錯愕:「你覺得自己而家唔係Loser咩?!」Ryan繼續一種「賴皮」態度:「OK㗎,至少出到去唔使同人解釋我做緊啲咩呀嘛。」Catherine忍不住追問:「你想繼續咁落去呀?!」這一句正中下懷,Ryan說:「唔係喎!我想去美國㗎喎,係你唔想啫。」Catherine一臉煩厭的解釋:「我過到美國冇嘢做,你又冇嘢撈,係咪攬住一齊死呀?」Ryan再次以負能量還擊:「係呀,你成日都睇死我撈唔掂㗎啦。」

Catherine(伍詠薇飾)在心靈最脆弱的時候,遇上比自己年輕七歲的胡啟源(陳奐仁飾),結果一次意外,他們發生關係,更掀起一場纏繞20年的曖昧關係,衝擊彼此,甚至下一代。(《歎息橋》劇照)

鍾懷安(潘燦良飾)年輕時一直覺得妻子梁淑媛(伍詠薇飾)和兒子鍾家俊(岑珈其飾)是他無法到美國發展科研事業的主因,一直心有不甘,加上他深信家俊並非由其所出,只是胡啟源(陳奐仁飾)留下來的「便宜仔」,故從小到大都冷待對方,導致他們關係疏離。《歎息橋》劇照)

Catherine叫丈夫離開 林珊珊曾說過同一句話

話說到此,Catherine已經不想再忍,語氣更見嚴厲:「你睇下而家自己個樣點先啦?!」Ryan認為她才最需要負責:「如果你嗰陣時唔係無端端有咗,我使搞成咁樣?你都唔知係咪專登!」這一句令Catherine無名火起,發晦氣的說:「係呀,個仔唔係你㗎,冇你份㗎!」終於說出心中的那根刺了,於是Ryan乘勢追擊:「我知呀,係等你認喳嘛,嗰個咩阿Ken呀嘛!」Catherine聽罷相當氣憤:「你又摷出嚟講?我好後悔講咗畀你知呀!」Ryan再插一刀:「我都好後悔為咗個『便宜仔』搞到而家咩都冇晒!」受夠了,Catherine不想再忍,冷冷的回答:「你不如自己走啦。」

最後一句叫丈夫離開自己的話,林珊珊在現實中也說過。2007年7月,林珊珊亮相無綫生活台節目《志雲飯局》(第38集),接受主持人陳志雲深度訪問,期間談到她與前夫李啟淦的一段短暫婚姻,她直截回答,是跟年紀有關,「太細個,我覺得!」大約40年前,林珊珊加入香港電台受訓,後來就跟鄭丹瑞和何嘉麗合作主持《三個小神仙》,節目風靡全港,令珊珊人氣急升,很快就有機會拍戲、擔任《勁歌金曲》主持,甚至推出唱片,其中《戀愛預告》和《也許當時年紀小》兩首單曲更是唱到街知巷聞,知名度不遜於電視和電影藝人。1987年,林珊珊正值事業高峰時突然退隱,飛往美國產女,長女李澄(西瓜)於9月出世,幼女李怡(野人)於1989年4月出世,不過三年後她與丈夫李啟淦正式離婚。

點擊下列圖輯,《歎息橋》伍詠薇鬧走潘燦良逐格睇:

+25
+25
+25

林珊珊入行近40年,最初擔任電台DJ,憑港台節目《三個小神仙》走紅後,曾推出過多張唱片,當中以《戀愛預告》和《也許當時年紀少》兩首歌曲最受注目,後來更拍攝電影,1987年在事業高峰時突然退隱,飛往美國產女,先後誕下長女李澄(西瓜)和幼女李怡(野人),及至1992年跟前夫李啟淦離婚後重出江湖,轉戰幕後,任職唱片公司,偶爾會擔任電視節目主持,現為寰亞藝人管理公司高級副總裁,去年12月中出席ViuTV舉辦的《全民造星II總決賽》擔任評判和頒獎嘉賓。(資料圖片)

林珊珊講離婚前關係:「佢不停打機,我就不停講嘢!」

一如自己所唱的經典金曲所言,林珊珊直認當時實在年紀少,「西瓜」出世時,她才24歲,而李啟淦更是一位只得20歲的大學生,仍然未能成熟處理夫妻關係,林珊珊在節目中說:「有個廿幾歲嘅男仔,突然間做咗爸爸,一個林珊珊個女嘅爸爸,都幾大壓力。跟住林珊珊就由一個喺電視睇到嘅少女,唱緊《戀愛預告》嘅人,突然間變咗做一個好煩嘅女人喎:『你幾點返呀?』、『點解咁夜返呀?』、『我唔鍾意你啲朋友囉!』、『你啲朋友都係啲豬朋狗友!』即係所有你喺電視劇裏面能夠講幾煩嘅對白,我都有講過,尤其是陣時佢仲係返緊學,一年(由美國)返嚟(香港)兩次,你可以幻想到,呢段關係幾咁Uptight,幾咁緊張!」

林珊珊回想,當時自己總是覺得自己已準備好做太太、當媽媽,卻以為另一半也跟自己同步,結果太多期望,換來無盡失望。「我寄望咗好多嘢喺佢身上,我覺得自己好準備,我覺得佢唔準備,咁我就覺得不停要求佢準備,我又覺得自己做得好好,因為我由細到大都覺得自己做得好好,我成日一到呢啲位,我就唔清醒,尤其是男女關係。我覺得我做得咁好,點解你會做得唔好呢?你唔好有藉口話畀我聽做唔到,呢個世界冇嘢做唔到嘅!」她自嘲道,人不照鏡,不會知道自己說話時有多令人討厭,然後她與丈夫漸漸愈行愈遠,各自有自己的世界,「我記得,喺我腦海入面有一段日子係,佢不停打機,我就不停講嘢啦,淨係呢個畫面我諗可以解釋晒成件事,咁慢慢我哋就開始有距離,慢慢就覺得,係啦,包袱嚟嘅。」她的意思是,與對方的關係,已成為一種擺脫不了的責任,漸漸成為負累。

短短5年的夫妻關係劃上句號,但林珊珊在離婚之後仍然有跟前夫李啟淦聯絡,兩名女兒都跟父親感情要好,2017年10月,幼女「野人」更在Instagram罕有公開四人合照,拍攝當天,她們為家姐「西瓜」(左二)慶祝30歲生日,場面溫馨。(instagram.com/yehyan426)

以「換鎖」了斷夫妻關係 離婚後仍保持聯絡

節目中,她對陳志雲說,覺得自己是個從一而終的女人,自己可以隻眼開隻眼閉,「就算我哋之間冇感情,你對我好就得啦!」她以為自己可以繼續撐下去,但後來她發現有第三者出現,「我覺得一段關係如果可以有第三者侵入,已經唔係一件好事,同埋又唔係結咗婚30年,當時只係結婚兩年幾三年。」最終又拖拉了一段時間,林珊珊覺得無法再忍受,於是主動提出分手。「迤(Hea)下迤(Hea)下覺得唔係辦法,有一日,我就同佢講:『我準備換鎖,嗰條鎖匙我唔會配畀你,不如你走啦,唔好大家咁辛苦。』」短短5年的夫妻關係劃上句號,但林珊珊之後仍然有跟前夫聯絡,兩名女兒都跟父親感情要好,2017年10月,幼女「野人」更在Instagram罕有公開四人合照,拍攝當天,她們為家姐「西瓜」慶祝30歲生日,場面溫馨。

游大東其他《歎息橋》文章:

歎息橋│兩代角色不連貫?   陳健朗:可以係平行空間嘅兩段故事!

歎息橋│黃定謙太投入角色「驚到喊」   岑珈其感激伍姑娘信任

點解《歎息橋》叫愛情懸疑劇?  導演編劇破格敘事方式考起觀眾

點擊下列圖輯,欣賞更多「西瓜」與「野人」兩姊妹,與父母李啟淦和林珊珊的靚相:

+10
+10
+10

點擊下列圖輯,欣賞《歎息橋》精美劇照:

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。