【飛虎之雷霆極戰】拍激吻戲遭黃宗澤話鹹 張曦雯:伸脷我都OK!

撰文:吳子生
出版:更新:

張曦雯(Kelly)今日(29/5)現身電視城出席《Do姐有問題》節目錄影。提起玩遊戲,Kelly自認唔叻,運氣仲好差:「我嚟之前都有同黃宗澤講:『今次靠你啦!』心諗佢作為生意人數口精冇死,點知原來嚟度先知,佢唔係同我一組,所以一陣要靠阿Zoie(譚凱琪)。」

Kelly坦言不介意拍吻戲時對手伸脷,認為只要拍出來效果自然都會接受。(吳子生攝)

此外,Kelly透露在劇集《飛虎之雷霆極戰》中與黃宗澤(Bosco)有場激吻戲,仲搞到Bosco成口都係鼻涕,心感難堪:「因為嗰場戲講我情緒好激動,喺度喪喊,而我哋兩個就激吻,我啲口水鼻涕係咁流,佢好專業完成拍攝,事後佢仲話我啲鼻涕好鹹。(拍親吻戲時,對手伸脷會否介意?)我諗拍出嚟自然,少少我都可以接受嘅,橫掂啲口水都撈埋一齊,我諗都OK嘅。」

Kelly拍喪喊激吻戲,搞到黃宗澤硬食成口鼻涕,Kelly大讚他夠晒專業完成拍攝工作。(吳子生攝)