苗僑偉大談出埠靈異事件 日光日白俾鬼壓:有個阿伯踎喺度望住我

撰文:董欣琪
出版:更新:

劇集《飛虎之雷霆極戰》在昨晚(26日)播出大結局,而配合劇集宣傳的特備節目《Tiger’s Talk》亦告一段落。今集除了有苗僑偉(三哥)、黃宗澤(Bosco)同吳卓羲(Ron)之外,更請來將會參演新一輯《飛虎3之壯志英雄》的馬德鐘及張兆輝。五位型男在節目中分享曾遇過的靈異事件,當中三哥的親身經歷就相當驚嚇!

《飛虎之雷霆極戰》在昨晚(26日)播出大結局。(劇照)
+36

三哥大爆自己曾經歷過幾次靈異事件,不過最恐怖的一次就是去馬來西亞吉隆坡登台時發生,當日他在下午兩點左右去到當地的酒店,因為太疲倦他即刻上床瞓,但他聽到廁所有雜聲,令他難以入睡:「我突然間感覺到床腳嗰度有個黑影上嚟,喺我腳前面升上嚟,我一望,嘩!咩嚟㗎?想趷起身,佢即刻壓住我個人,點郁都郁唔到。咁我就諗起,啲前輩話俾鬼壓就X佢老母呀!咁我又阿彌陀佛又唸經都冇用,最後我就係講咗句『X你老母』,即刻郁返。」

三哥大爆自己俾鬼壓。(YouTube影片截圖)
三哥竟然爆粗!(YouTube影片截圖)
+16

之後三哥即刻起身拉開窗簾,再打給保鑣講起這件事,保鑣即提出晚上陪三哥瞓,幸好當晚無驚無險,沒事發生。但直至朝早七點,三哥瞓醒後發現原本瞓在地上的保鑣不知所蹤,更再次俾鬼壓:「我最驚就係呢個,但我親眼見到,有個阿伯,踎咗喺保鑣瞓覺個位望住我,我真係好驚,我只有心裏面同佢講『阿伯唔關我事,我路過㗎咋,我嚟搵食咋,你唔鍾意我,我最多走囉,你放開我先啦。』真係醒返,阿伯又走咗。」

三哥一瞓醒就發現有個阿伯踎喺度望住佢。(YouTube影片截圖)

三哥驚到要男保鑣陪瞓:

+25

雖然三哥經歷了兩次俾鬼壓,但最後他亦有以科學的角度解構這件事:「俾鬼壓就係你嘅神經未休息,但你抹開眼係可以睇到嘢,你感覺上唔郁得,但其實你瞓着咗。」不過三哥表示自己確實見到一個阿伯,而且保鑣亦有提及自己在當日亦經歷俾鬼壓:「佢話瞓到五點幾就俾嘢壓,壓到成隻腳腫晒,佢見我瞓得好稔,所以冇叫醒我。」究竟是什麼原因,就不得而知了。

估唔到保鑣傷得仲重!(YouTube影片截圖)