港姐2020│賴琦媛認返內地夜蒲　愛男仔識揸車：架車靚啲就更好

今屆入圍港姐現年20歲的賴琦媛（Ivy）參選至今，負面新聞不斷，被網民爆料指她從小到大貪慕虛榮，愛北上夜蒲識內地富二代，直指她「拜金女」愛名牌。她曾在網上面試發表名車論：「如果講Benz係名車，我都經常坐」，引來網民反感，予人囂張感覺。

昨晚（4/8）Ivy現身電視城出席網上直播節目《我和港姐有個約會》後，接受《香港01》訪問，就對以上指控作出回應：「曾經有返過內地嘅，都係一大班朋友去玩嘅，嗰陣時18歲，咁啱放榜有好大嘅假期，變咗一大班中學嘅同學一齊去玩，正常嘅聚會都覺得適當，同時釋放壓力都會有嘅。（話你拜金，你點睇？）我覺得可能因為『名車論』，令大家覺得我好物質，可能普通女仔都鍾意靚仔，而我就覺得男仔識揸車就會好型，加上一架好睇少少嘅車，就更加好啦！（怕唔怕再有黑歷史曝光？）我冇做過唔會怕。（會否改變談吐、說話技巧？）自己都知自己講嘢有時會直腸直肚，亦係優點亦係缺點，不過始終人紅自然是非多。」