港姐2020|陳楨怡身形均勻成全場焦點 爆最愛泳衣款式:若隱若現

撰文:林迅景
出版:更新:

《2020香港小姐競選》將於明天(30/8)舉行,今日(29/8)一眾參賽佳麗就於電視城內進行泳裝綵排。當中參選一直被負面新聞纏身的2號佳麗陳楨怡(Celina)就狀態大勇,大曬高挑而Fit爆的身形,再配上標誌的樣貌,自然成為了傳媒焦點,被列為三甲大熱。

2號佳麗陳楨怡(Celina)被評為香港小姐冠軍熱門人選。(葉志明攝)

陳楨怡接受《香港01》訪問,表示現在的心情興奮多於緊張,還十分期待明天競選的來臨。以性感比堅尼泳裝示人,會不會覺得緊張尷尬?她回答自己已經習慣了,還透露了自己揀選泳裝的喜好:「我鍾意着連身多過三點式泳衣,最好就有少少Design喺上面,有啲若隱若現,仲性感過三點式。(因為男朋友喜好?)唔關事,自己游水着。(唔怕曬黑?)我會搽好多防曬,同埋Wake-surf會着包住全身嘅『鯊魚衣』。」

2號佳麗陳楨怡(Celina)真係好Fit。(葉志明攝)

問到參選後會留在圈內發展,陳楨怡就表示最想主持旅遊節目以及拍劇。她說:「想同呂慧儀合作,因為我有睇《愛‧回家》,我好鍾意佢,同埋有啲人都話我同佢似樣,個人又幽默搞笑。(想做咩角色?)做佢妹妹!」不過問Celina想和哪位男藝人合作,她就表示沒有。莫非是整個TVB都沒有看我上眼的男星?

點擊下圖 睇比堅尼泳裝:

+5

點擊下圖睇 更多陳楨怡(Celina)生活照:

+55