《過街英雄》收視未理想  森美直言要負最大責任:講聲唔好意思

撰文:吳子生
出版:更新:

森美周二(8日)現身電視城出席無綫劇集《過街英雄》宣傳造活動。早前森美遭到藍營人士追擊,要求無綫停播,否則將永久杯葛。對於劇集收視未理想,森美直言自己要負上全部最大責任,「第一件事自己又新手,你哋都知我幾咁惹火啦,如果收視未能預期其他人理想,我都應該講聲唔好意思,我認都係因為我嘅,我堅負呢個責任。(收視未如理想,是否受到追擊關係引致?)其實我都唔知,冇人能夠清楚話我知,究竟係定唔係?好可能因為咁嘅原因,啲人會睇多咗唔定,可能有人會睇可支持森美,所以實際結果冇人知,對於我嚟講,我依然尊重觀眾嘅選擇,呢個都顯示到香港自由嘅地方。」

森美認為每個人都有自己的睇法。(梁碧玲攝)

(點解惹火?)森美坦言:「其實都冇辦法,過去我嘅言論都唔係好偏激,你知啦!喺呢個民意打仗嘅時候,一啲好少嘅事,都會掀起唔同嘅反應,咁所以自己都會明白,作為藝人都要去面對,不過最緊要都係屋企人,最怕佢哋唔明白,自己亦感受到佢哋承受緊其他壓力。(會否封口唔講?)其實一路我都唔多講,但好多時間都無可避免唔講,都會盡量關心家人嘅感受,然後再講說話,但係我最關心係佢哋嘅感受,多於究竟我講過番說話,觸怒到唔同政見嘅人。(即係阻唔到你禁聲?)唔同陣營,都講緊自己相信嘅說話,只要唔傷害人,講自己相信嘅說話,我覺得我哋應該有嘅言論自由。」

森美珍惜現有的言論自由。(梁碧玲攝)
+1
你可能感興趣