【全民造星III】彭秀慧爆真人騷實際操作 梁祖堯:冇得呃㗎喎!

撰文:
最後更新日期:

《全民造星III》周六(26日)舉行記者會,共有50名參賽者會見傳媒,今季再度擔任評判的梁祖堯接受訪問時談到:「我上年做評判嘅時候太Nice喇,想鼓勵佢哋;今次我改變咗諗法,應該要狠狠地話畀佢聽:你唔好嘥時間,或者你應該繼續努力!」導師彭秀慧表示節目開始三星期已經用盡心力,體重甚至因此下降了不少:「每一刻都諗點幫佢哋好啲,全方位幫到嘅都幫,簡單到用咩粉底,或者着衫趨向未必適合佢,應該點樣對待演藝呢個行業,反而教得最少係做戲!」梁祖堯繼而表示今季有彭秀慧與林二汶做導師很是安心:「成為一個好嘅人,從而成為一個好嘅表演者。」

彭秀慧與梁祖堯分別為《全民造星III》擔任導師及評判。(梁碧玲攝)

《全民造星III》開宗明義邀請已出道的藝人回爐再造,藝人們重新面對挑戰難免會聽到閒言閒語,說起面對負評,兩位都看得很開,亦表示這是必修之課,梁祖堯道:「正評同負評係一個Package,冇得避免!每個人都有自己處理嘅方法,有啲人好虛心好鍾意人鬧我,然後化咗佢,有啲人就會Block咗你等你永遠都唔可以留言,我覺得冇所謂,所正負評都係廉價嘅,網上面講句嘢唔使錢、又冇代價,啲人永遠唔知聽嗰個人要付出幾多!」

點擊圖輯睇今日記者會盛況:

+28
+28
+28

《全民造星》作為一個真人騷,卻每年都惹來造馬疑雲,這亦是彭秀慧第一次參加真人騷,她就表示:「真係好真!好多人問我真人騷真唔真,我覺得只要唔係呃人,咩都可以放上嚟。」梁祖堯早前主持另一檔真人騷《調教你男友》亦深受歡迎,他就說道:「真人騷真唔真,真係睇你點樣對待呢件事,你要求佢係真,佢就係真,如果你接受造假都可以,佢就會變得假!(《全民造星》)假唔到,如果要造到一個人贏,表演一Pat嘢咁樣,或者完全冇光彩,冇得呃㗎喎!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。